సూపర్స్టార్ రజనీకాంత్ 'దర్బార్'.. బాక్సాఫీసు దగ్గర అనుకున్న ఫలితాన్ని ఇవ్వలేదు. భారీ అంచనాలు పెట్టుకున్న రజనీ అభిమానులనూ నిరాశ పరిచింది. తాజాగా దీని ప్రభావం సూపర్స్టార్ పారితోషికంపై పడిందని తెలుస్తోంది. ప్రస్తుతం సూపర్స్టార్ హీరోగా తెరకెక్కుతోన్న 'తలైవార్ 168' చిత్ర బృందం రజనీ పారితోషికంపై కోత పెట్టిందనే వార్తలు వైరల్ అవుతున్నాయి.
'దర్బార్' చిత్రానికి ఏఆర్ మురుగదాస్ దర్శకత్వం వహించాడు. రజనీకాంత్ 'పేట' చిత్రం నిరాశ పరచగా ఆ లోటును 'దర్బార్'తో పూడ్చాలని భావించి భారీ చిత్రంగా తెరకెక్కించారు. కానీ దర్బార్కు కూడా అనుకున్న రీతిలో ఆదరణ లభించలేదు.
ప్రస్తుతం రజనీ హీరోగా తెరకెక్కుతోన్న 'తలైవార్ 168' చిత్రం హైదరాబాద్లో షూటింగ్ జరుపుకుంటోంది. శివ దర్శకత్వం వహిస్తున్నాడు. ఖుష్బూ, మీనా హీరోయిన్లు. కీర్తి సురేశ్ రజనీ కూతురిగా కనిపించనుంది. సన్పిక్చర్స్ సంస్థ నిర్మిస్తోంది.
ఇదీ చదవండి: 'ఆస్కార్' అవార్డుల ఈవెంట్లో తారల తళుకుబెళుకులు
