మన హీరోలకు 17 సెంటిమెంట్ నెంబర్​..!

పవన్​కల్యాణ్, మహేశ్, జూనియర్ ఎన్టీఆర్, ప్రభాస్​, నాగచైతన్య, రామ్ తాము చేసిన 17వ చిత్రాలు అద్భుతమైన విజయాలు అందుకున్నాయి. కలిసి రాదనుకుంటున్న ఈ సంఖ్యను అదృష్ట సంఖ్యగా మార్చుకున్నారు.

పదిహేడు.. చాలా మంది ఈ నెంబర్ దురదృష్టానికి చిహ్నమని నమ్ముతారు. అయితే తెలుగు హీరోల్లో ఎక్కువ మందికి ఈ నెంబర్ బాగా కలిసొచ్చింది. ఎలాగంటే వీరు తీసిన సినిమాల్లో 17వ చిత్రం మాత్రం సూపర్ డూపర్ హిట్ అందుకుంది. పవన్ కల్యాణ్ మొదలుకుని ఇస్మార్ట్​ శంకర్​తో హిట్​ అందుకున్న రామ్​ వరకు ఈ జాబితాలో ఉన్నారు. మరి ఎవరెవరు ఈ కోవలో ఉన్నారో ఓ లుక్కేద్దామా!

పవన్​కల్యాణ్​.. గబ్బర్​సింగ్​

అక్కడ అమ్మాయి.. ఇక్కడ అబ్బాయి సినిమాతో చిత్రసీమలో అడుగుపెట్టిన పవర్ స్టార్ పవన్ కల్యాణ్​కు ఆరంభంలో వరుసగా హిట్లు పలకరించాయి. అనంతరం పదేళ్ల వరకు సరైన విజయం లేక డీలాపడ్డాడు. ఇలాంటి తరుణంలో గబ్బర్​సింగ్ లాంటి విజయం అందుకుని ఫామ్​లోకి వచ్చాడు పవర్ స్టార్. అన్నట్టు ఈ చిత్రం పవన్​కల్యాణ్​కు 17వ చిత్రం కావడం విశేషం.

• " class="align-text-top noRightClick twitterSection" data="">

మహేశ్​బాబు వసూళ్ల బిజినెస్​..

మహేశ్ కెరీర్​లో గుర్తుండిపోయే సినిమాల్లో ఒకటి బిజినెస్​మ్యాన్​. దూకుడు విజయం తర్వాత చేసిన ఈ చిత్రం మంచి వసూళ్లు సాధించి ప్రేక్షకులను అలరించింది. సంభాషణలు, మహేశ్ నటనతో సినిమా అద్భుత విజయాన్ని అందుకుంది. రాజకుమారుడితో హీరోగా అరంగేట్రం చేసిన ప్రిన్స్​కు బిజినెస్ మ్యాన్ 17వ చిత్రం.

• " class="align-text-top noRightClick twitterSection" data="">

తారకరాముడి అదుర్స్​..

చిత్రసీమలో వచ్చిన కొద్ది కాలంలోనే స్టార్​ హీరో హోదా పొంది తాతకు తగ్గ మనవడు అనిపించుకున్నాడు జూనియర్ ఎన్టీఆర్. స్టూడెంట్ నెంబర్ 1, ఆది, సింహాద్రి, యమదొంగ లాంటి విజయాలు అందుకున్నాడు. తర్వాత కొన్ని పరాజయాలు పలకరించినా అదుర్స్​ చిత్రంలో ద్విపాత్రభినయంతో మళ్లీ ఫామ్​లోకి వచ్చాడు. అప్పటి వరకు ఏ స్టార్​ హీరో చేయని పాత్రలో మెరిశాడు తారక్. తన కామెడీ టైమింగ్​తో సినిమా బంపర్ హిట్టైంది.

• " class="align-text-top noRightClick twitterSection" data="">

సాహోరే బాహుబలి...

ఈశ్వర్ సినిమాతో తెలుగు తెరకు పరిచయమైన ప్రభాస్ వర్షం, ఛత్రపతి చిత్రాలతో స్టార్ హీరోగా మారాడు. అనంతరం బిల్లా, డార్లింగ్, మిస్టర్ పర్​ఫెక్ట్​, మిర్చి లాంటి విజయాలను అందుకున్నాడు. అయితే బాహుబలి సినిమాతో యావత్​ దేశాన్ని తన వైపు తిప్పుకున్నాడు రెబల్​స్టార్. అప్పటివరకు ఉన్న ఇండియన్ సినిమా రికార్డుల బద్దలు కొట్టి అఖండ విజయాన్ని అందుకుందీ చిత్రం. ఇంతకీ ఈ సినిమా డార్లింగ్ ఖాతాలో 17వది.

• " class="align-text-top noRightClick twitterSection" data="">

చైతూ.. మజిలీ

జోష్ సినిమాతో అక్కినేని కుటుంబంలో మూడో తరం హీరోగా అరంగేట్రం చేశాడు నాగచైతన్య. ఏం మాయ చేశావేతో ప్రేక్షకుల్ని మాయచేసి మంచి విజయాన్ని అందుకున్నాడు. అనంతరం 100% లవ్, తడాఖా, మనం, ప్రేమమ్​ లాంటి విజయాలను అందుకున్నాడు. ఈ వేసవిలో మజిలీతో అద్భుతమైన హిట్​ను తన ఖాతాలో వేసుకున్నాడు. ఈ సినిమా నాగచైతన్య నటించిన 17వ చిత్రం.

• " class="align-text-top noRightClick twitterSection" data="">

రామ్.. ఇస్మార్ట్​ సక్సెస్​

రామ్ నటించిన ఇస్మార్ట్​ శంకర్ ప్రస్తుతం వసూళ్ల వర్షం కురిపిస్తోంది. తొలి రోజు నుంటి పాజిటివ్ టాక్ తెచ్చుకుంటూ మాస్​ ప్రేక్షకుల్ని ఉర్రూతలూగిస్తోంది. చాలా కాలం తర్వాత పూరీ జగన్నాథ్​ మంచి హిట్​ను అందుకున్నాడు. తెలంగాణ యాసలో రామ్​ చెప్పిన సంభాషణలకు థియేటర్లు హోరెత్తుతున్నాయి. దేవదాస్ చిత్రంతో తెలుగు తెరకు పరిచయమైన రామ్.. 17వ సినిమా అయిన ఇస్మార్ట్ శంకర్​తో సాలిడ్ హిట్​ను తన ఖాతాలో వేసుకున్నాడు.

• " class="align-text-top noRightClick twitterSection" data="">

ఇలా ఈ హీరోలు తాము చేసిన 17వ చిత్రంతో అద్భుతమైన విజయాలు అందుకున్నారు. అచ్చి రాని 17వ నెంబర్​ను మొత్తానికి ఈ తెలుగు హీరోలు తమ అదృష్ట సంఖ్యగా మార్చుకున్నారు.

ఇది చదవండి: 'వీరులారా... మీ త్యాగాలు మర్చిపోలేం'