జీవితంలో ఒక్కసారైనా.. మెగాస్టార్తో కలిసి నటించాలని ప్రతి హీరోయిన్ కోరుకుంటుంది. అదీ.. రెండోసారి కూడా ఛాన్స్ వస్తే.. అవును మిల్క్బ్యూటీ తమన్నా ఇప్పుడు అదే ఆనందంలో ఉన్నట్లు తెలుస్తోంది. 'సైరా'లో చిరు సరసన మెరిసిన తమన్నా.. 'భోళాశంకర్'లో మరోసారి ఆయనతో ఆడిపాడనున్నట్లు సమాచారం. అయితే ఈ విషయంపై చిత్రబృందం నుంచి ప్రకటన రావాల్సి ఉంది. తమిళ సూపర్హిట్ 'వేదాళం'కు తెలుగు రీమేక్ 'భోళాశంకర్'. మెహర్ రమేశ్ దర్శకత్వం వహిస్తున్నారు. ఇప్పటికే 'మహానటి', 'మిస్ ఇండియా'తో గుర్తింపు తెచ్చుకున్న కీర్తిసురేశ్.. ఇందులో చిరు చెల్లిగా నటిస్తోంది.
చిరంజీవి నటించిన 'ఆచార్య' షూటింగ్ పూర్తిచేసుకుని.. విడుదలకు సిద్ధంగా ఉంది. దీంతోపాటు గాడ్ఫాదర్, బాబీ దర్శకత్వంలో ఓ చిత్రం చేస్తున్నారు.
ఇటీవల విడుదలైన 'సీటీమార్' చిత్రంలో జ్వాలారెడ్డి పాత్రతో మెప్పించింది తమన్నా. 'మాస్ట్రో'లో ప్రతినాయిక పాత్రలో తన నటనతో ప్రేక్షకుల్ని కట్టిపడేసింది. మరోవైపు 'ఎఫ్3'లోనూ తమన్నా నటిస్తోంది. విజయవంతమైన 'ఎఫ్2' చిత్రానికి కొనసాగింపుగా ఈ చిత్రం తీస్తున్నారు.
ఇదీ చదవండి: బ్లాక్బస్టర్ రీమేక్తో చిరు, నాగ్ మల్టీస్టారర్!
