బాలీవుడ్ నటుడు సుశాంత్.. చిత్రసీమలో నెపోటిజమ్ (బంధుప్రీతి) వల్లే ఆత్మహత్యకు పాల్పడ్డాడని పలువురిపై బహిరంగంగానే విమర్శలు గుప్పించింది హీరోయిన్ కంగనా రనౌత్. నటుడికి న్యాయం జరిగేంతవరకు తాను పోరాడతానని స్పష్టం చేసింది.
తాజాగా ఓ ప్రముఖ ఛానెల్కు ఇచ్చిన ఇంటర్వ్యూలో ఈ విషయంపై మాట్లాడిన కంగన.. ఖాన్ త్రయం (సల్మాన్, షారుక్, అమీర్) సహా అమితాబ్ బచ్చన్ను ప్రశ్నించింది. మీరెందుకు ఈ అంశంపై మౌనం పాటిస్తున్నారు? సుశాంత్ కేసును సీబీఐకి అప్పగించాలని ఎందుకు అడగలేదు? అంటూ ప్రశ్నల వర్షం కురిపించింది.
అన్యాయంపై మాట్లాడటానికి అమితాబ్ లాంటి ఓ స్టార్ నటుడే భయపడితే.. సుశాంత్కు మద్దతు ఇవ్వడానికి ఎవరు ముందుకొస్తారు? అని ప్రశ్నించింది.
జూన్ 14న ముంబయిలోని తన ఇంట్లో సుశాంత్ బలన్మరణం చెందాడు. అయితే ఇతడి చావు వెనుక చాలా మంది కుట్ర ఉందని కంగాన ఆరోపించింది. ఎన్నో మలుపుల తర్వాత.. ఈ కేసును సీబీఐ దర్యాప్తు చేపట్టాలని ఆగస్టు 19న తీర్పు వెలువరించింది సుప్రీం కోర్టు.
ఇది చూడండి 'అవును.. సుశాంత్, సారా ప్రేమలో పడ్డారు!'
