బాలీవుడ్ హీరో సుశాంత్ సింగ్ రాజ్పుత్ చనిపోయి ఇప్పటికి రెండు నెలలు కావస్తున్నా సన్నిహితులు, అభిమానులు అతని జ్ఞాపకాల నుంచి బయటకు రాలేకపోతున్నారు. ఇలానే యువనటుడు సిద్ధాంత్ చతుర్వేది.. సుశాంత్ సింగ్తో మధురమైన స్మృతులను గుర్తు చేసుకున్నాడు.
సిద్ధాంత్ కాలేజీలో చదువుతున్నప్పుడు నేషనల్ టాలెంట్ హంట్-2012లో గెలుపొందాడు. అక్కడ నుంచే అతడి సినీ కెరీర్ ప్రారంభమైంది. ఆ కార్యక్రమానికి నటి జాక్వెలిన్తో పాటు సుశాంత్ అతిథులుగా హాజరయ్యారు. తను సాధించిన విజయాన్ని ఆ రోజు సుశాంత్తో జరుపుకోవడం ఎంతో ప్రత్యేకమని సిద్ధాంత్ చెప్పాడు. అతడితో కలిసి డాన్స్ చేసిన వీడియోను ఇన్స్టాలో పోస్ట్ చేశాడు. భావోద్వేగంతో కూడిన వ్యాఖ్యలను దానికి జోడించాడు.
- " class="align-text-top noRightClick twitterSection" data="
">
"నేను విజేతను.. కానీ ఇద్దరం కలిసి డాన్స్ చేశాం. ఆ రోజు మొత్తం నేను, నా కుటుంబం అసలు నిద్రపోలేదు. స్టేజ్పై నుంచి సుశాంత్ సింగ్ నా పేరును స్వయంగా పిలిచాడు. ఆ రోజే నా తల్లిదండ్రులు నాలో ప్రతిభ దాగుందని గుర్తించారు. సీఏ కోర్సు పూర్తి చేస్తూనే, సినిమాల్లో నటించేందుకు అనుమతినిచ్చారు. నా ప్రయాణం ఇక్కడే ప్రారంభమయ్యింది. నువ్వు ఎప్పటికీ అందులో భాగం అవుతావు"
-సిద్ధాంత్ చతుర్వేది, బాలీవుడ్ నటుడు
- " class="align-text-top noRightClick twitterSection" data="
">
'గల్లీబాయ్' సినిమాలో ఎమ్సీ షేర్గా మెప్పించిన సిద్ధాంత్.. ప్రస్తుతం 'ఫోన్బూత్', 'బంటీ ఔర్ బబ్లీ 2' చిత్రాల్లో నటిస్తున్నాడు. పలు వెబ్సిరీస్ల్లోనూ కీలక పాత్రలు పోషిస్తున్నాడు.
