సుశాంత్ కేసు: సీబీఐ దర్యాప్తులో బయటపడ్డ నిజాలు!

నటుడు సుశాంత్​ సింగ్ రాజ్​పుత్ మృతి వెనుకున్న రహస్యాన్ని బయటపెట్టేందుకు రంగంలోకి దిగింది సీబీఐ. తొలుత అతడి​ నివాసంలో రియా డిజిటల్​ పాదముద్రలను ఛేదించాలనుకుంది. అయితే విచారణలో భాగంగా రియాకు సంబంధించిన చరవాణి, ఎలక్ట్రానిక్​ వస్తువులను స్వాధీనం చేసుకోగా..వాటి నుంచి కేసుకు సంబంధించిన కీలక ఆధారాలు లభించాయని తెలుస్తోంది.

బాలీవుడ్​ నటుడు సుశాంత్​ సింగ్ రాజ్​పుత్ మృతి కేసును దర్యాప్తు చేస్తున్న సీబీఐ అతడి ప్రేయసి రియా చక్రవర్తితో సహా స్నేహితులను విచారిస్తోంది. ఈ కేసులో రియాతో పాటు రాజ్​పుత్​ స్నేహితుల డిజిటల్​ పాదముద్రలను ఛేదించడమే లక్ష్యంగా దర్యాప్తు బృందం ముంబయిలో అడుగుపెట్టింది. సుశాంత్​ మృతి జూన్​లో జరిగినందున ఈ సంఘటనకు సంబంధించిన ఆధారాలను తుడిచిపెట్టడానికి అనేక ప్రయత్నాలు చేసి ఉంటారని అధికారులు మొదట ఆందోళన చెందారు.

కొన్ని వార్తా సంస్థల సమాచారం మేరకు రియాకు సంబంధించిన చరవాణి, ఎలక్ట్రానిక్​ వస్తువులను ఇప్పటికే సీబీఐ, ఈడీ​లు జప్తు చేశాయి. అప్పటికే వాటిలో చాలా సమాచారం అదృశ్యమైనందున.. తొలగించిన డేటాను తిరిగి పొందేందుకు వాటిని క్లోన్​ చేశారని తెలుస్తోంది. దీని ద్వారా సంచలనాత్మక విషయాలు బయటపడ్డాయి.