వరుస సినిమాలతో అలరిస్తున్న హీరో సూర్య.. మరో కొత్త ప్రాజెక్టు ఒప్పుకున్నాడు. ఈ విషయాన్ని నేడు(ఆదివారం) అధికారికంగా ప్రకటించారు. గతంలో సూర్యతో ఐదుసార్లు పనిచేసిన హరినే, ఈ ప్రాజెక్టుకు దర్శకత్వం వహిస్తున్నాడు. 'అరువా' అనే టైటిల్ను ఖరారు చేశారు. వీరి కాంబినేషన్లో ఇంతకు ముందు 'సింగం' సిరీస్తో పాటు, ఆరు, వేల్(తెలుగులో 'దేవా') చిత్రాలు వచ్చాయి.
#సూర్య39 షూటింగ్ ఏప్రిల్లో మొదలై, ఒకే షెడ్యూల్లో పూర్తవుతుందని నిర్మాతలు చెప్పారు. దీపావళికి ప్రేక్షకుల ముందుకు తీసుకొస్తున్నట్లు స్పష్టం చేశారు. ఈ క్రేజీ సినిమాకు ఇమ్మన్ సంగీతమందించనున్నాడు.
సూర్య ప్రస్తుతం 'సూరరై పోట్రు(ఆకాశం నీ హద్దురా!)'లో నటిస్తున్నాడు. ఎయిర్ డెక్కన్ వ్యవస్థాపకుడు జీఆర్ గోపీనాథ్ జీవితం ఆధారంగా తెరకెక్కుతోంది. వేసవిలో ప్రేక్షకుల ముందుకు రానుంది.
