కోలీవుడ్ హీరో సూర్యతో మరోసారి రొమాన్స్ చేసేందుకు సిద్ధమవుతోంది అనుష్క. ఇప్పటికే ఈ జోడీ.. 'సింగం' సిరీస్తో ప్రేక్షకుల్ని మెప్పించింది. త్వరలో కొత్త చిత్రంతో అలరించేందుకు సిద్ధమవుతోంది. గౌతమ్ మేనన్ దర్శకత్వం వహించనున్నాడు. ప్రస్తుతం ఈ ముగ్గురూ ఎవరి ప్రాజెక్ట్ల్లో వారు బిజీగా ఉన్నారు. అవి పూర్తయిన తర్వాతే ఈ సినిమా ప్రారంభం కానుందని సమాచారం.
సూర్య.. ప్రస్తుతం 'ఆకాశం నీ హద్దురా'(సూరరై పోట్రు) సినిమాతో బిజీగా ఉన్నాడు. సుధా కొంగర దర్శకురాలు. వచ్చే నెలలో ఈ చిత్రం.. ప్రేక్షకుల ముందుకు వచ్చే అవకాశముంది.
అనుష్క.. 'నిశ్శబ్దం'(సైలెన్స్) షూటింగ్లో బిజీగా ఉంది. ఇందులో దివ్యాంగ కళాకారిణి పాత్రను పోషిస్తోంది. మాధవన్ కీలక పాత్రలో నటిస్తున్నాడు. త్వరలో థియేటర్లలోకి రానుందీ చిత్రం.
గౌతమ్ మేనన్ తెరకెక్కించిన 'ధృవనచ్చిత్రం', 'తూటా' సినిమాలు విడుదలకు సిద్ధమవుతున్నాయి. వీటి తర్వాతే సూర్య-అనుష్క జోడీతో కొత్త సినిమాను పట్టాలెక్కించనున్నాడీ దర్శకుడు.
ఇది చదవండి: 'ఖైదీ' దర్శకుడితో పనిచేసేందుకు సూర్య గ్రీన్సిగ్నల్
