ప్రఖ్యాత అత్తివరదరాజస్వామి సేవలో రజనీకాంత్
40 ఏళ్లకు ఒకసారి దర్శనమిచ్చే కాంచీపురం అత్తివరదరాజ స్వామిని మంగళవారం అర్ధరాత్రి సతీసమేతంగా దర్శించుకున్నారు సూపర్స్టార్ రజనీకాంత్ దంపతులు. ప్రత్యేక పూజలు జరిపి ఆలయ పండితుల ఆశీర్వచనం తీసుకున్నారు.
కేవలం 48 రోజులు మాత్రమే అందుబాటులో ఉండే అత్తివరదరాజస్వామి దర్శనం... ఈ నెల 17తో ముగుస్తుంది. ఇందుకోసం భక్తులు భారీగా తరలివస్తున్నారు. చివరగా 1979లో కనిపించారు స్వామివారు. ఇప్పుడు మళ్లీ 40 ఏళ్ల తర్వాతే భక్తులకు దర్శన భాగ్యం కలిగింది.
స్వతహాగా భక్తుడైన రజనీకాంత్.. తరచుగా హిమాలయాలకు వెళుతుంటారు. వాటితో పాటే వివిధ ఆలయాలను సందర్శిస్తుంటారు. ప్రస్తుతం ఏఆర్ మురుగదాస్ దర్శకత్వంలో తెరకెక్కుతున్న 'దర్బార్'లో పోలీసుగా కనిపించనున్నారు.
ఇది చదవండి: మాస్టర్ బ్లాస్టర్ సచిన్ తెందూల్కర్తో సూపర్ స్టార్ రజనీకాంత్
