అల్లు అర్జున్ను న్యూడ్గా చూపించాలనుకున్నా: డైరెక్టర్ సుకుమార్

Pushpa climax: 'పుష్ప' క్లైమాక్స్ గురించి షాకింగ్ విషయాలు చెప్పారు డైరెక్టర్ సుకుమార్. బన్నీ, ఫహాద్ ఫాజిల్ను న్యూడ్గా చూపించాలని అనుకున్నట్లు తెలిపారు.

అల్లు అర్జున్ పుష్ప

Published : Dec 25, 2021, 5:09 PM IST

Allu arjun pushpa: ఎర్రచందనం స్మగ్లింగ్ కథతో తీసిన 'పుష్ప' సినిమా.. థియేటర్ల దగ్గర దుమ్ములేపుతూ కలెక్షన్ల వర్షం కురిపిస్తోంది. ఇప్పటికే అభిమానుల్ని అలరిస్తూ ఉర్రూతలూగిస్తోంది. అయితే ఈ సినిమా క్లైమాక్స్ సీన్లో అల్లు అర్జున్, ఫహాద్ ఫాజిల్ను న్యూడ్గా(పూర్తిగా బట్టల్లేకుండా) చూపించాలనుకున్నాననే షాకింగ్ విషయాన్ని డైరెక్టర్ సుకుమార్ చెప్పారు. కానీ తెలుగు ఆడియెన్స్ ఇలాంటి సీన్ను ఒప్పుకోరని తెలిసి అందులో మార్పులు చేసినట్లు సుక్కు తెలిపారు.

sukumar mahesh babu: సూపర్స్టార్ మహేశ్బాబుతో గతంలో ఈ నేపథ్యంతోనే ఓ సినిమా చేయాలనుకున్నానని డైరెక్టర్ సుకుమార్ చెప్పారు. కానీ అది కుదురలేదని అన్నారు. అయితే ఈ రెండు స్టోరీలు వేర్వేరు అని స్పష్టం చేశారు.

అల్లు అర్జున్-సుకుమార్-మహేశ్బాబు

"చాలాకాలం క్రితం మహేశ్బాబుకు కూడా ఎర్రచందనం స్మగ్లింగ్ నేపథ్యమున్న స్టోరీ చెప్పాను. అయితే ఆ ప్రాజెక్టు నుంచి తప్పుకొన్న తర్వాత ఇదే నేపథ్యంగా క్యారెక్టర్కు యాటిట్యూడ్ ఉండేలా కొత్త కథ రాశాను. ఈ రెండూ డిఫరెంట్ స్టోరీలు" అని సుకుమార్ చెప్పారు.

అయితే తాను కొత్త కథ రాస్తున్నప్పుడు అల్లు అర్జున్ను మాత్రమే దృష్టిలో పెట్టుకుని రాశానని సుకుమార్ తెలిపారు. ఆ తర్వాత బన్నీకి కథ వినిపించానని అన్నారు.

పుష్ప సినిమాలో అల్లు అర్జున్

pushpa sukumar web series: తొలుత 'పుష్ప'ను ఓ వెబ్ సిరీస్లా తీయాలని అనుకున్నానని.. కానీ ఇంతమంచి కథను సినిమాగా తీస్తే బాగుంటుందని అని భావించినట్లు సుకుమార్ చెప్పారు. అయితే ఒకే సినిమాలో కథ మొత్తం చెప్పడం కష్టమవుతుందని భావించి, దీనిని రెండు భాగాలుగా తెరకెక్కించాలని అల్లు అర్జున్, నిర్మాతలతో కలిసి నిర్ణయం తీసుకున్నట్లు సుక్కు స్పష్టం చేశారు.

రెండో భాగం 'పుష్ప: ద రూల్' షూటింగ్ ఫిబ్రవరిలో లేదా మార్చి మధ్యలో ప్రారంభిస్తామని సుకుమార్ చెప్పారు. ఈ ప్రాజెక్టు పూర్తయిన తర్వాత విజయ్ దేవరకొండ, రామ్చరణ్లతో సినిమాలు చేస్తానని పేర్కొన్నారు.