స్టైలిష్ స్టార్ అల్లు అర్జున్-దర్శకుడు సుకుమార్ కాంబినేషన్లో తీస్తున్న హ్యాట్రిక్ సినిమా 'పుష్ప'. ఎర్రచందనం స్మగ్లింగ్ నేపథ్య కథతో తెరకెక్కిస్తున్నారు. లాక్డౌన్ కారణంగా చిత్రీకరణ నిలిచిపోయింది. అయితే ఈ చిత్రంలోని కీలకమైన ఓ ఫైట్ కోసం పెడుతున్న బడ్జెట్ సర్వత్రా ఆసక్తి రేపుతోంది.
ప్రస్తుత పరిస్థితి సర్దుకోగానే బన్నీతో ఈ భారీ యాక్షన్ సీక్వెన్స్కు తీసేందుకు ప్రణాళిక సిద్ధం చేస్తోంది చిత్రబృందం. 6 నిమిషాల నిడివి ఉండే ఈ సీన్ కోసం దాదాపు రూ.6 కోట్ల బడ్జెట్ను నిర్ణయించారని టాక్ వినిపిస్తోంది. తొలుత దీనిని విదేశీ స్టంట్ కొరియోగ్రాఫర్స్తో తీయాలని అనుకున్నా, కరోనా ప్రభావం వల్ల ఆ ఆలోచనను విరమించుకున్నారు. ఈ నేపథ్యంలో స్వదేశీ స్టంట్ కొరియోగ్రఫర్స్తోనే ఈ ఫైట్ను రూపొందించాలని నిర్ణయించారు.
ఈ సినిమాలో రష్మిక మందణ్న హీరోయిన్. దేవీశ్రీ ప్రసాద్ సంగీతం అందిస్తున్నాడు. మైత్రీ మూవీ మేకర్స్ నిర్మిస్తోంది.
