రజనీకాంత్ కోసం ఉపవాసం చేసిన శ్రీదేవి?

అతిలోక సుందరి శ్రీదేవికి తలైవా రజనీకాంత్ అంటే​ చాలా ఇష్టమట. గతంలో ఓసారి రజనీ అస్వస్థతకు గురైనప్పుడు. ఆయన త్వరగా కోలుకోవాలని వారం రోజుల పాటు ఈమె ఉపవాసం చేశారట.

సూపర్​స్టార్ రజనీకాంత్ తన స్టైల్, మేనరిజమ్, డైలాగ్ డెలివరీతో కోట్లాది మంది అభిమానుల్ని సంపాందించుకున్నారు. విభిన్న పాత్రలతోనూ మెప్పించారు. మన దేశంతో పాటు బయటి దేశాల్లోనూ ఆయనకు చాలామంది ఫ్యాన్స్ ఉన్నారు. అలాంటి హీరోకు ఏమైనా జరిగితే ఇంకేమైనా ఉందా. అందులోనూ ప్రాణమిచ్చే అభిమానులు సూపర్​స్టార్​కు చాలామంది ఉన్నారు. అలానే అతిలోక సుందరి శ్రీదేవీకి కూడా రజనీ అంటే చాలా ఇష్టమట.

2011లో రజనీకాంత్ తీవ్ర అస్వస్థతకు లోనయ్యారు. ఉన్నట్లుండి ఆరోగ్యం కూడా చాలా సీరియస్ అయింది. అప్పట్లో 'రోబో' సినిమానే రజనీకి చివరిదంటూ ప్రచారం కూడా జరిగింది. ఆయన కూడా వరుసగా విదేశాలకు వెళ్లి చికిత్స చేయించుకున్న విషయం అభిమానుల్ని కంగారు పెట్టేది. ఇలానే గతంలో ఓసారి రజనీ కోలుకోవాలని వారం రోజుల పాటు శ్రీదేవి ఉపవాస దీక్ష చేశారట. ఈ విషయం ఆగస్టు 14న శ్రీదేవి 56వ జయంతి సందర్భంగా వెలుగులోకి వచ్చింది.