యువ కథనాయకుడు శర్వానంద్, కథానాయిక ప్రియాంక అరుళ్ మోహన్ కలిసి నటించిన చిత్రం 'శ్రీకారం'. మహాశివరాత్రి సందర్భంగా మార్చి 11న సినిమాను ప్రేక్షకుల ముందుకు రానుంది. ఈ నేపథ్యంలో సోమవారం చిత్ర ప్రీ-రిలీజ్ ఈవెంట్ను చిత్రబృందం ఖమ్మంలో నిర్వహించనుంది. ఈ వేడుకకు ముఖ్య అతిథిగా మెగాస్టార్ చిరంజీవి విచ్చేయనున్నారు.
అల్లరి నరేశ్‌ కథానాయకుడిగా విజయ్ కనకమేడల దర్శకత్వంలో రూపొందిన చిత్రం 'నాంది'. ఇటీవలే థియేటర్లలో విడుదలై ఈ సినిమా విజయవంతంగా ప్రదర్శితమవుతోంది. త్వరలోనే ఓటీటీలోనే సందడి చేసేందుకు సిద్ధమైంది. మార్చి 12 నుంచి ప్రముఖ ఓటీటీ 'ఆహా'లో ఈ సినిమా ప్రసారం కానుంది.
మలయాళ స్టార్ హీరో దుల్కర్ సల్మాన్ పోలీస్ ఆఫీసర్గా నటిస్తున్న కొత్త చిత్రం 'సెల్యూట్'. మహిళా దినోత్సవం సందర్భంగా ఈ సినిమాలోని దుల్కర్ సల్మాన్ ఫస్ట్లుక్ను చిత్రబృందం విడుదల చేసింది.
ఇదీ చూడండి: విరాటపర్వం: మహిళల గొప్పతనాన్ని చెప్పిన రానా
