IMDB rating The Kashmir files: 'ది తాష్కెంట్‌ ఫైల్స్‌' సినిమాతో సినీప్రియులను మెప్పించిన దర్శకుడు వివేక్‌ అగ్నిహోత్రి. ఆయన తెరకెక్కించిన కొత్త చిత్రం 'ది కశ్మీర్‌ ఫైల్స్‌'. 90వ దశకంలో కశ్మీర్‌ పండిట్‌లపై జరిగిన దాడులు.. వారిపై సాగిన హత్యాకాండకు సంబంధించిన కథాంశంతో ఈ సినిమా రూపొందించారు. శుక్రవారం విడుదలైన ఈ సినిమా అభిమానులను ఆకట్టుకుంటోంది. దీంతో పాటే ఓ ఘనతను అందుకుంది. ప్రముఖ మూవీ రేటింగ్ సంస్థ ఐఎమ్డీబీలో అత్యధిక రేటింగ్ అందుకున్న చిత్రంగా నిలిచింది. 10/10 రేటింగ్ను అందుకుంది.
కశ్మీర్‌లోని తీవ్రవాదులు, వేర్పాటువాదుల దాడుల వల్ల ఓ సామాజిక వర్గం ఎలా అంతమైందో ఈ సినిమాలో భావోద్వేగభరితంగా చూపించారు. కాగా, ఈ చిత్రంలో మిథున్‌ చక్రవర్తి, అనుపమ్‌ ఖేర్‌, దర్శన్‌ కుమార్‌, పల్లవి జోషి తదితరులు ప్రధాన పాత్రలు పోషించారు.
ఓటీటీలో 'స్పైడర్మ్యాన్'
Spider man no way home ott release: స్పైడర్ మ్యాన్ సిరీస్లో భాగంగా వచ్చిన 'స్పైడర్ మ్యాన్ నో వే హోమ్' ఎంతగా అలరించిందో ప్రత్యేకంగా చెప్పనక్కర్లేదు. టామ్ హాలాండ్ హీరోగా నటించిన ఈ మూవీ బాక్సాఫీస్ వద్ద భారీ కలెక్షన్లలు అందుకుంది. దర్శకుడు జాన్వాట్.. తనదైన స్టైల్లో సినిమాను అద్భుతంగా తీర్చిదిద్ది ప్రేక్షకులను కట్టిపడేశారు. భారత్లో రూ.200కోట్ల గ్రాస్ను కలెక్ట్ చేసింది. తాజాగా ఇప్పుడీ చిత్రం ఓటీటీ వేదికగా రికార్డులు కొల్లగొట్టేందుకు సిద్ధమైంది. మార్చి 23 నుంచి బుక్మై షో స్ట్రీమ్ వేదికగా స్ట్రీమింగ్ కానుంది.
ఇదీ చూడండి: ప్రభాస్ 'రాధేశ్యామ్'.. తొలి రోజు కలెక్షన్లు ఎంతంటే?
