సైరా నరసింహారెడ్డి.. మెగాస్టార్ చిరంజీవి ప్రతిష్టాత్మకంగా భావిస్తోన్న ఈ సినిమా ప్రచార సందడి మొదలైంది. ఈ చిత్రం ఛాయాగ్రాహకుడు(కెమెరామన్) రత్నవేలు పలు ఆసక్తికర విషయాలను పంచుకున్నాడు. సైరా కోసం ప్రత్యేక కెమెరాలు వాడామని, ముఖ్యంగా పోరాట ఘట్టాల కోసం స్పైడర్మ్యాన్ చిత్రానికి ఉపయోగించిన స్పైడర్ క్యామ్ను ఉపయోగించినట్లు తెలిపాడు.
"ఇప్పటి వరకు నేను చేసిన సినిమాల్లో సైరానే ప్రత్యేకం. ఈ చిత్రం కోసం హాలీవుడ్ సినిమాలకు వాడే మూవీ ప్రో, ఎక్సెల్ మౌంట్‌ కెమెరా, బ్లాక్‌ క్యామ్ ఏటిీవి, స్పైడర్ క్యామ్ వంటివి ఉపయోగించాం. ఇందులో స్పైడర్క్యామ్ అతి ముఖ్యమైనది. గుర్రాలు అనూహ్య వేగంతో పరిగెడుతున్నప్పుడు దగ్గరి నుంచి చిత్రీకరించలేం. అందుకోసం స్పైడర్ క్యామ్ను తెప్పించాం." -రత్నవేలు, కెమెరామన్
స్పైడర్ క్యామ్.. తాడును ఆధారంగా చేసుకుని పై నుంచి వేలాడుతూ చిత్రీకరిస్తుందని చెప్పాడు రత్నవేలు.
"స్పైడర్క్యామ్ను ఎక్కువగా క్రికెట్ మ్యాచ్లప్పుడు చూడొచ్చు. తాడును ఆధారంగా చేసుకుని గ్రౌండ్‌లో పై నుంచి వేలాడుతూ చిత్రీకరిస్తుంటుంది. అదే పద్ధతిలో గుర్రాల పోరాట ఘట్టాలను తెరకెక్కించాం. చుట్టూ నాలుగు భారీ క్రేన్లను ఏర్పాటు చేసి యుద్ధ సన్నివేశాలను తీశాం. రష్యా నుంచి ఈ పరికరాన్ని దిగుమతి చేసుకున్నాం. జార్జియా షెడ్యూల్ను ఈ కెమెరాతో చిత్రీకరించాం" -రత్నవేలు, కెమెరామన్
ఈ నెల 18న ప్రీ రిలీజ్ వేడుకకు రంగం సిద్ధం చేసింది సైరా చిత్రబృందం. రూ. 300 కోట్ల భారీ బడ్జెట్తో తెరకెక్కుతున్న ఈ సినిమాకు సురేందర్ రెడ్డి దర్శకత్వం వహిస్తున్నాడు. రామ్చరణ్ నిర్మిస్తున్నాడు. నయనతార ఇందులో కథానాయిక. అమితాబ్ బచ్చన్ ప్రత్యేక పాత్రలో కనిపించనున్నారు.
- " class="align-text-top noRightClick twitterSection" data="">
ఇదీ చదవండి: 'పూర్తి స్వేచ్ఛనిచ్చే దర్శకుడు గౌతమ్ మీనన్'
