బాలీవుడ్ స్టార్ హీరో అక్షయ్ కుమార్ క్రేజీ ప్రాజెక్టు 'సూర్యవంశీ'. కత్రినా కైఫ్ హీరోయిన్. ట్రైలర్ను నేడు(ఆదివారం) విడుదల చేశారు. 4 నిమిషాలకు పైగా ఉన్న ప్రచార చిత్రం.. అంచనాల్ని పెంచుతోంది. ఇందులో 'సింబా' రణ్వీర్, 'సింగం' అజయ్ దేవగణ్ సర్ప్రైజింగ్ రోల్స్లో కనిపించనున్నారు.
సూపర్కాప్ కథే 'సూర్యవంశీ'. ముంబయిలో యాంటీ టెర్రరిజమ్ గ్రూప్లో అధికారిగా పనిచేస్తుంటాడు అక్షయ్. ఈ క్రమంలోనే కొందరు లష్కరే తోయిబా ఉగ్రవాదులు పేలుళ్ల జరపాలని అనుకుంటారు. వారిని అక్షయ్.. రణ్వీర్, అజయ్ దేవగణ్తో కలిసి ఎలా అడ్డుకున్నాడనేదే ఈ చిత్ర కథాంశం.
ఇందులో గుల్షన్ గ్రోవర్, అభిమన్యు సింగ్, నిహారిక రైజ్డా, జాకీష్రాఫ్ తదితరులు కీలక పాత్రలు పోషించారు. ఈనెల 24న ప్రేక్షకుల ముందుకు రానుందీ చిత్రం.
- " class="align-text-top noRightClick twitterSection" data="">
