అల్లు అర్జున్ కొత్త చిత్రం 'అల.. వైకుంఠపురములో' ఓ సాంగ్ విడుదలైంది. 'సామజవరగమన..' అంటూ సాగే ఈ పాట ఆకట్టుకుంటోంది. త్రివిక్రమ్ దర్శకత్వంలో వహిస్తున్న ఈ సినిమాలో పూజాహెగ్డే కథానాయిక. సంక్రాంతి కానుకగా ప్రేక్షకుల ముందుకు రానుందీ చిత్రం.
- " class="align-text-top noRightClick twitterSection" data="">
సిద్ శ్రీరామ్ ఆలపించిన ఈ గీతానికి సిరివెన్నెల సీతారామశాస్త్రి సాహిత్యం అందించారు. తమన్ సంగీతం సమకూరుస్తున్నాడు. 'సామజవరగమన.. నిను చూసి ఆగగలనా' అంటూ సాగుతున్న ఈ గేయం శ్రోతల్ని అలరిస్తోంది.
త్రివిక్రమ్ - అల్లు అర్జున్ కాంబినేషన్లో ఇప్పటికే జులాయి, సన్నాఫ్ సత్యమూర్తి చిత్రాలు ఘన విజయాన్ని అందుకున్నాయి. అందువల్ల ప్రేక్షకుల్లో అల.. వైకుంఠపురములో సినిమాపై భారీ అంచనాలు నెలకొన్నాయి. గీతా ఆర్ట్స్ బ్యానర్పై అల్లు అరవింద్ ఈ చిత్రాన్ని నిర్మిస్తున్నాడు. ఇప్పటికే విడుదలైన పోస్టర్తో సినిమాపై ఆసక్తి మరింత పెరిగింది.
ఇదీ చదవండి: టీజర్: 'ఆవిరి'లో ఆత్మను చూశారా..!
