మెగాహీరో సాయిధరమ్ తేజ్ 'ప్రతిరోజూ పండగే' సినిమాలో నటిస్తూ బిజీగా ఉన్నాడు. ఇంతలోనే మరొకటి మొదలుపెట్టేశాడు. ఈ చిత్రానికి 'సోలో బ్రతుకే సో బెటర్' అనే విభిన్న టైటిల్ పెడుతున్నట్లు సోమవారం ప్రకటించారు. ట్విట్టర్ వేదికగా ఆ పోస్టర్ను పంచుకున్నాడీ కథానాయకుడు.
"కేర్ఫుల్ బ్రదర్స్ అండ్ సిస్టర్స్.. ఎందుకంటే #సోలో బ్రతుకే సో బెటర్" -ట్విట్టర్లో సాయిధరమ్ తేజ్
ఇందులో నభా నటేశ్ హీరోయిన్గా నటించనుంది. తమన్ సంగీతమందించనున్నాడు. సుబ్బు దర్శకుడిగా పరిచయమవుతున్నాడు. బీవీఎస్ఎన్ ప్రసాద్ నిర్మాతగా వ్యవహరిస్తున్నారు. వచ్చే నెల నుంచి షూటింగ్ ప్రారంభం కానుంది. వచ్చే ఏడాది వేసవికి ప్రేక్షకుల ముందుకు వచ్చే అవకాశముంది.
ఇది చదవండి: 'నట జీవితంలో నిలబడాలంటే... అలా మారాల్సిందే'
