నటసింహం నందమూరి బాలకృష్ణ-బోయపాటి శీను సినిమాలోని కీలక పాత్ర కోసం సీనియర్ నటీమణులు రోజా, మీనా పేర్లు వినిపించాయి. ఇప్పుడీ జాబితాలోకి స్నేహ కూడా చేరింది. బోయపాటి గత చిత్రం 'వినయ విధేయ రామ' లోనూ స్నేహ నటించింది. అందులోని ఆమె నటన నచ్చే ఈ అవకాశం ఇచ్చినట్లు తెలుస్తోంది.
బాలయ్య-బోయపాటి కాంబోలో ఇంతకుముందు 'సింహా', 'లెజెండ్' సినిమాలు వచ్చాయి. ఈ సినిమాను అదే స్థాయిలో తీయాలని భావిస్తున్నారు. మార్చిలో షూటింగ్ ప్రారంభమై, లాక్డౌన్ ప్రభావంతో నిలిచిపోయింది. త్వరలో మొదలయ్యే అవకాశముంది. తమన్ సంగీతమందిస్తుండగా, మిర్యాల రవీందర్ రెడ్డి నిర్మిస్తున్నారు.
