'ఇది లాక్డౌన్లా లేదు.. టాలీవుడ్లో పెళ్లిళ్ల సీజన్లా ఉంది' అంటూ సోషల్ మీడియాలో విపరీతంగా జోక్లు పేలుతున్నాయి. ఎందుకంటే ఇటీవలే కొన్ని నెలలుగా పలువురు తెలుగు సినీ ప్రముఖుల వివాహాలు జరుగుతుండటమే కారణం. ఈ క్రమంలోనే ప్రముఖ గీతరచయిత సిరివెన్నెల సీతారామశాస్త్రి కుమారుడు, నటుడు రాజా నిశ్చితార్థం.. ఆదివారం(ఆగస్టు 16)ఘనంగా జరిగింది. ఈ విషయాన్ని రాజా తన ఇన్స్టాలో పంచుకున్నాడు. జీవితంలోని కొత్త ప్రయాణం కోసం ఆసక్తిగా ఎదురుచూస్తున్నట్లు రాసుకొచ్చాడు.
ఇటీవలే మెగా డాటర్ నిహారిక నిశ్చితార్థం జరగ్గా, అంతకు ముందు రానా-మిహీక.. నిఖిల్-పల్లవి.. నితిన్-షాలినిల వివాహాలు జరిగాయి. నిర్మాత దిల్రాజు కూడా మూడు నెలల క్రితం.. ఇదే లాక్డౌన్లో పెళ్లి చేసుకున్నారు.
ఫిదా, నా పేరు సూర్య నా ఇల్లు ఇండియా, మిస్టర్ మజ్ను, హ్యాపీ వెడ్డింగ్, అంతరిక్షం, రణరంగం సినిమాల్లో సహాయ నటుడిగా మెప్పించాడు రాజా. పలు చిత్రాల్లో నటిస్తూనే వెబ్ సిరీస్ల్లోనూ కీలకపాత్రలు చేస్తున్నాడు.
