బాలీవుడ్లో డ్రగ్స్ వ్యవహారంపై దుమారం చెలరేగుతోంది. ఈ విషయమై మంగళవారం రాజ్యసభలో సీనియర్ నటి జయాబచ్చన్ చేసిన వ్యాఖ్యలను తప్పుబట్టింది హీరోయిన్ కంగనా రనౌత్. అలా మాట్లాడటం సరికాదని చెప్పింది. చిత్ర పరిశ్రమకు చెందిన వారిపై కరుణ చూపాలని కోరింది.
"జయ బచ్చన్ జీ నా స్థానంలో మీరు కూతురు శ్వేతా, తనయుడు అభిషేక్ బచ్చన్ ఉన్నా ఇలానే మాట్లాడతారా? బెదరింపులు, వేధింపులకు.. నిరంతరం వారు గురవుతున్నా.. చివరికి ఎటువంటి పరిష్కారం దొరకక ఉరి వేసుకున్నా.. మీ సమాధానం ఇలానే ఉంటుందా? దయచేసి పరిశ్రమకు చెందిన వారిపై కాస్త కరుణ చూపండి" అంటూ ట్వీట్ చేసింది.
-
Jaya ji would you say the same thing if in my place it was your daughter Shweta beaten, drugged and molested as a teenage, would you say the same thing if Abhieshek complained about bullying and harassment constantly and found hanging one day? Show compassion for us also 🙏 https://t.co/gazngMu2bA
— Kangana Ranaut (@KanganaTeam) September 15, 2020 " class="align-text-top noRightClick twitterSection" data="
">Jaya ji would you say the same thing if in my place it was your daughter Shweta beaten, drugged and molested as a teenage, would you say the same thing if Abhieshek complained about bullying and harassment constantly and found hanging one day? Show compassion for us also 🙏 https://t.co/gazngMu2bA
— Kangana Ranaut (@KanganaTeam) September 15, 2020Jaya ji would you say the same thing if in my place it was your daughter Shweta beaten, drugged and molested as a teenage, would you say the same thing if Abhieshek complained about bullying and harassment constantly and found hanging one day? Show compassion for us also 🙏 https://t.co/gazngMu2bA
— Kangana Ranaut (@KanganaTeam) September 15, 2020
బాలీవుడ్లో డ్రగ్స్ వినియోగం విపరీతంగా ఉందని భోజ్‌పురి నటుడు, భాజపా ఎంపీ రవి కిషన్ సోమవారం పార్లమెంట్ సమావేశాల్లో అన్నారు. ఈ వ్యాఖ్యలపై సమాజ్‌వాది పార్టీ ఎంపీ జయాబచ్చన్ తీవ్రంగా మండి పడ్డారు. "అన్నం పెట్టిన చేతినే నరుక్కున్నట్లుగా ఉంది" అంటూ మంగళవారం రాజ్యసభలో మాట్లాడారు. లోక్‌సభలో చిత్ర పరిశ్రమకు చెందిన వ్యక్తే ఈ ఆరోపణలు చేయడం ఎంతో సిగ్గుగా ఉందన్నారు.
ఈ వ్యాఖ్యలపై దీటుగా బదులిచ్చారు రవి కిషన్. జయాపై తీవ్రంగా విరుచుకుపడ్డారు. చిత్రపరిశ్రమలో ఎవరి అండా లేకుండానే 600 చిత్రాల్లో నటించి ఎదిగానని గుర్తు చేశారు.
"చిత్ర పరిశ్రమలో జరుగుతోన్న అన్యాయంపై ఓ బాధ్యతాయుతమైన సభ్యునిగా మాట్లాడే హక్కు నాకు ఉంది. పార్లమెంట్లో మాట్లాడటం నా కర్తవ్యం. జయ దానిని గౌరవిస్తారని భావించా. నేను కేవలం ఓ పూజారి కొడుకుగా ఎవరి సహకారం లేకుండానే 600 చిత్రాలలో నటించా."
-రవి కిషన్, భాజపా ఎంపీ, భోజ్‌పురి నటుడు.
నటుడు సుశాంత్ రాజ్పుత్ అనుమానాస్పద మృతి కేసులో భాగంగా పరిశ్రమలోని డ్రగ్స్ వ్యవహారం బయటపడింది. దీంతో నార్కోటిక్స్ కంట్రోల్ బ్యూరో రంగంలోకి దిగి విచారిస్తోంది. ఇందులో భాగంగానే బాలీవుడ్, కన్నడ సహా దేశంలోని పలు చిత్రసీమల్లోని సెలబ్రిటీలకు డ్రగ్స్ మాఫియాతో సంబంధం ఉన్నట్లు వార్తలు వస్తున్నాయి. సినీ పరిశ్రమకు చెందిన పలువురు ప్రముఖులు దీనికి మద్దతుగా నిలవగా.. మరికొందరు ఖండిస్తున్నారు.
ఇదీ చూడండి చిరు గుండు లుక్... వావ్ అనిపించే 'మేకప్ ట్రిక్'
