మరోసారి తెరపై 'లీడర్'​ కాంబినేషన్​!

రానా దగ్గుబాటి హీరోగా శేఖర్​ కమ్ముల దర్శకత్వంలో మరో సినిమా రూపొందుతుందని టాలీవుడ్​లో ప్రచారం జరుగుతోంది. 'విరాటపర్వం' చిత్రీకరణ పూర్తయిన వెంటనే ఈ చిత్రం పట్టాలెక్కనుందని సమాచారం.

'బాహుబలి'తో జాతీయ నటుడిగా ఎదిగిపోయాడు రానా దగ్గుబాటి. ఈ చిత్రం తర్వాత ప్రేక్షకులను అలరించటానికి కొత్త కథాంశాలను ఎంచుకుంటున్నాడు. ఇప్పటివరకు 'అరణ్య' సినిమాతో బిజీగా గడిపిన ఈ హీరో ప్రస్తుతం కొత్త కథలతో వీలైనంత తొందరగా మరో చిత్రాన్ని పూర్తిచేయాలనుకుంటున్నాడు.

తాజాగా రానా నటిస్తోన్న 'విరాటపర్వం' చిత్రీకరణ త్వరలోనే పూర్తికానుంది. ఈ నేపథ్యంలో శేఖర్ ​కమ్ముల దర్శకత్వంలో కొత్త సినిమా రూపొందుతుందని టాలీవుడ్​లో ప్రచారం జరుగుతోంది. ఇప్పటికే వీరద్దరి కాంబినేషన్​లో వచ్చిన 'లీడర్'​ చిత్రం బ్లాక్​బస్టర్​ అయింది.

ఈ దర్శకుడు ప్రస్తుతం నాగచైతన్య హీరోగా 'లవ్​స్టోరీ' చిత్రాన్ని తెరకెక్కిస్తున్నాడు. ఈ చిత్రం పూర్తయిన వెంటనే రానా సినిమాను పట్టాలెక్కిస్తాడని సమాచారం. ఇందులో హీరోయిన్​, నిర్మాతలతో సహా పూర్తి వివరాలు తెలియాలంటే అధికార ప్రకటన కోసం వేచిచూడాలి.

ఇదీ చూడండి.. రోజుకు 2 వేల ఆహార ప్యాకెట్లను పంచుతున్న అమితాబ్​