Ramcharan-Shankar movie: మెగాహీరో రామ్చరణ్ సరికొత్త బెంచ్మార్క్ను సెట్ చేయబోతున్నట్లు తెలుస్తోంది. ఇప్పటికే 'ఆర్ఆర్ఆర్'తో దేశవ్యాప్తంగా క్రేజ్ సంపాదించుకున్న ఆయన.. మరో రికార్డును తన ఖాతాలో వేసుకోబోతున్నారు! ఆయన తన తర్వాతి సినిమాను ప్రముఖ దర్శకుడు శంకర్తో చేస్తున్నారు. పాన్ ఇండియా మూవీగా 'ఆర్సీ 15' పేరుతో రూపొందుతున్న ఈ చిత్రం గురించి ఓ ఆసక్తికర వార్త ప్రస్తుతం నెట్టింట్లో జోరుగా ప్రచారం సాగుతోంది.
ఈ మూవీ నాన్ థియేట్రికల్ రైట్స్ను భారీ ధరకు ప్రముఖ సంస్థ 'జీ' సొంతం చేసుకుందని తెలుస్తోంది. రూ.200కోట్లు వెచ్చించి కొనుగోలు చేసిందని సమాచారం. ఇండియన్ సినిమాలో ఇది ఒక బిగ్గెస్ట్ డీల్.
ఈ చిత్రంలో చెర్రీ సరసన కియారా అద్వానీ నటిస్తోంది. దిల్‌రాజు నిర్మాతగా వ్యవహరిస్తున్నారు. దాదాపు రూ.300కోట్లతో ఈ మూవీని రూపొందించనున్నారట! పొలిటికల్ థ్రిల్లర్గా తెరకెక్కించనున్న ఈ సినిమాకు తమన్ స్వరాలు సమకూరుస్తున్నారు. ఇటీవల 135 మంది మ్యూజిషియన్లతో కలిసి ఆయన ఈ సినిమాకు సంబంధించిన తొలి రికార్డింగ్ పూర్తి చేశారు. కొరియోగ్రాఫర్గా జానీ మాస్టర్, మాటల రచయితగా సాయి మాధవ్ బుర్రాను ఇప్పటికే ఎంపిక చేసింది చిత్రబృందం. సునీల్, అంజలి, శ్రీకాంత్, నవీన్చంద్ర కీలక పాత్రలు పోషిస్తున్నారు. విలన్గా మలయాళ నటుడు ఫహాద్ ఫాజిల్నటిస్తారని ప్రచారం జరుగుతుంది.
ఇదీ చూడండి: ఆరు నిమిషాల్లో ఆ పాట రాసిన హీరో ధనుష్.. ఇంతకీ ఎలా సాధ్యం?
