ఈ ఏడాది 'మహర్షి'తో భారీ విజయాన్ని అందుకున్న టాలీవుడ్ సూపర్స్టార్ మహేశ్ బాబు.. 'సరిలేరు నీకెవ్వరు'తో పలకరించనున్నాడు. సంక్రాంతికి ప్రేక్షకుల ముందుకు రానున్న ఈ చిత్ర ప్రమోషన్లను వినూత్నంగా చేయనున్నారు.
ఇకపై డిసెంబర్ నెల ప్రతి సోమవారం సినిమాలోని ఓ పాటను విడుదల చేయనున్నట్లు చిత్రబృందం తెలిపింది. అంటే ఐదు సోమవారాలు, ఐదు పాటలను ప్రేక్షకుల ముందుకు తీసుకురానుంది.
అనిల్‌ రావిపూడి దర్శకత్వంలో తెరకెక్కుతోన్న 'సరిలేరు నీకెవ్వరు' సినిమాలో మహేశ్కు జోడీగా రష్మిక నటిస్తుండగా.. విజయశాంతి, ప్రకాష్‌రాజ్, రాజేంద్రప్రసాద్‌ తదితరులు ముఖ్య పాత్రలు పోషిస్తున్నారు. సంక్రాంతి కానుకగా జనవరి 11న ప్రేక్షకుల ముందుకు రానుందీ చిత్రం.
ఇవీ చూడండి.. అందుకే లయ 'అరవింద సమేత'లో నటించలేదు
