శంషాబాద్లో ఇటీవలే జరిగిన 'దిశ' హత్యాచార ఘటన దేశవ్యాప్తంగా సంచలనం సృష్టించింది. ఈ కేసులోని నిందితులు.. ఆ తర్వాత పోలీసుల చేతిలో ఎన్కౌంటర్ అయ్యారు. అయితే ఈ ఉదంతాన్ని సినిమాగా తీసేందుకు పలువురు దర్శక-నిర్మాతలు సిద్ధమవుతున్నారట. ఇందులో సమంత కీలక పాత్ర పోషించనుందని సమాచారం.
తమిళ దర్శకుడు శరవణన్.. దిశ హత్య, నిందితుల ఎన్కౌంటర్ తదితర అంశాలతో స్క్రిప్ట్ సిద్ధం చేసుకొని, హీరోయిన్ సమంతకు వినిపించాడట. ప్రయోగాత్మక చిత్రాలు చేయడంలో ముందుండే ఈ భామ.. ఇందుకు ఒప్పుకుందట. అయితే ఈ విషయంపై అధికారిక ప్రకటన రావాల్సి ఉంది.
ప్రస్తుతం '96' తెలుగు రీమేక్తో పాటు, 'ద ఫ్యామిలీ మ్యాన్' వెబ్ సిరీస్ రెండో సీజన్లో నటిస్తోంది సమంత. ఈ సిరీస్లో ప్రతినాయక ఛాయలున్న ఉగ్రవాది పాత్రలో కనిపించనుందని సమాచారం. మరి అది నిజమో, కాదో తెలియాలంటే వచ్చే వరకు ఆగాల్సిందే.
ఇది చదవండి: ఆగస్టులో బిడ్డకు జన్మనివ్వబోతున్న సమంత!
