'జాను' అంటూ ఇటీవలే ప్రేక్షకులను పలకరించిన సమంత.. పెళ్లి తర్వాత విభిన్న పాత్రలు పోషిస్తూ ఆకట్టుకుంటోంది. కేవలం వెండితెరపైనే కాకుండా ఓటీటీ ఫ్లాట్ఫామ్పైనా అలరించేందుకు సిద్ధమవుతోంది. 'ద ఫ్యామిలీ మ్యాన్ 2' వెబ్సిరీస్లో కీలక పాత్ర పోషిస్తోంది. ఇదే కాకుండా మరో సరికొత్త ప్రయోగం చేసేందుకు రెడీ అయింది.
త్వరలో ప్రారంభం కానున్న ఓ రియాల్టీ షోకు సమంత వ్యాఖ్యాతగా వ్యవహరించనుందని టాక్. మామ నాగార్జున చేసిన 'మీలో ఎవరు కోటీశ్వరుడు' తరహాలో దీనిని రూపొందించనున్నారు. ప్రముఖ ఓటీటీ యాప్ ఈ కార్యక్రమాన్ని తెరకెక్కిస్తోంది. పూర్తి వివరాలు తెలియాలంటే మరికొద్ది కాలం వేచిచూడక తప్పదు.
ఇదీ చూడండి.. మరోసారి తెరపై చిట్టిబాబు, రామలక్ష్మి సందడి..!
