స్టార్ హీరోయిన్‌ సమంత హోస్ట్ చేస్తున్న 'సామ్జామ్' షోకు హీరో నాగచైతన్య అతిథిగా వచ్చారు. ఓటీటీ వేదిక 'ఆహా'లో ప్రసారమయ్యే ఈ షోలో సెలబ్రిటీ జంట 'చైసామ్' చేసిన సందడి హుషారుగా సాగింది. షోలో భాగంగా సమంత అడిగిన ప్రశ్నలకు నాగచైతన్య సరదాగా ఇచ్చిన సమాధానాలు ప్రేక్షకులను అలరించాయి.
ఈ కార్యక్రమానికి హోస్ట్‌గా తనకు ఎన్ని పాయింట్లు ఇస్తారని సామ్ అడుగగా 'నేను సలహాలు ఇస్తే నువ్వు తీసుకుంటావా?' అని నవ్వుతూ చైతన్య కౌంటర్‌ వేశారు. మరో ప్రశ్నలో నా వంటకు ఎన్ని పాయింట్లు ఇస్తారని సమంత అడగ్గా 'నువ్వు వంట చేస్తావా' అంటూ చైతూ ఆశ్చర్యంగా ముఖం పెట్టారు. ఇది చూసిన షోలోని ప్రేక్షకులు గట్టిగా నవ్వేశారు. ఇలాంటి మరెన్నో అలరించే ప్రశ్నలతో, నాగచైతన్య కౌంటర్లతో షో సందడిగా సాగిపోయింది. సామ్జామ్ తొలి సీజన్‌కు ఇదే చివరి ఎపిసోడ్ కానుంది.
'సామ్జామ్'లో ఇప్పటి వరకు మెగాస్టార్‌ చిరంజీవితో పాటు అల్లు అర్జున్‌, రకుల్‌, తమన్నా, రానా వంటి ప్రముఖ సెలబ్రిటీలు ఈ షోకు వచ్చి సందడి చేశారు. జనవరి 8న 'ఆహా'లో చైతన్య ఎపిసోడ్ ప్రసారం కానుంది. అప్పటి వరకు ఈ ప్రోమోను చూసేయండీ!
- " class="align-text-top noRightClick twitterSection" data="">
ఇదీ చూడండి: హరీశ్ శంకర్ సినిమాలో ఐబీ అధికారిగా పవన్!
