ఎప్పుడూ షూటింగులతో బిజీగా ఉండే సినీతారలు.. లాక్డౌన్తో వచ్చిన ఖాళీ సమయాన్ని పూర్తిగా ఉపయోగించుకుంటున్నారు. సామాజిక మాధ్యమాల్లో సన్నిహితులతో కొందరు కబుర్లు చెబుతుంటే.. మరికొందరు అభిమానులతో టచ్లో ఉన్నారు. బాలీవుడ్ కండలవీరుడు సల్మాన్ ఖాన్.. ఇప్పటికే తన ఫామ్హౌస్లో చిత్రీకరించిన మూడు పాటలను విడుదల చేసి అభిమానుల్లో హుషారు నింపారు.
ఇదే క్రమంలో సల్మాన్.. ఓ షార్ట్ఫిల్మ్ను తీయనున్నారట. ఇందులో భాయ్తో పాటు వలుషా డిసౌజా నటించనున్నట్లు తెలుస్తోంది. ఇటీవలే సల్మాన్ యూట్యూబ్ ఛానెల్లో పోస్ట్ చేసిన.. 'తేరే బినా', 'భాయ్ భాయ్', 'ప్యార్ కరోనా' పాటలు విపరీతంగా ఆకట్టుకుంటున్నాయి. 'తేరే బినా' పాట అయితే 24 గంటల్లోనే 1.2 కోట్ల వీక్షణలు పొంది.. వారంలో 2.6 కోట్ల వ్యూస్కు చేరువైంది.
ఇదీ చూడండి:సినీ చరిత్రలో జూన్ 9వ తేదీది చెరగని ముద్ర
