బాలీవుడ్ సూపర్స్టార్ సల్మాన్ఖాన్ వ్యాఖ్యాతగా వ్యవహరించిన రియాలిటీ షో 'బిగ్బాస్' ఎంత ప్రజాదరణ పొందిందో ప్రత్యేకంగా చెప్పనక్కర్లేదు. తాజాగా, మరో సీజన్తో సల్మాన్ త్వరలో ప్రేక్షకుల ముందుకు రానున్నట్లు నిర్మాతలు తెలిపారు.
ఇటీవలే షోకు సంబంధించిన ప్రోమోను ఇన్స్టాగ్రామ్లో పంచుకుంది కలర్స్ టీవీ. సల్మాన్కు చెందిన పన్వెల్ ఫామ్హౌస్లో దీనిని చిత్రీకరించారు. ఇందులో భాయ్జాన్ వ్యవసాయం చేస్తూ కనిపించాడు. "ప్రతి ఒక్కరి జీవన ప్రయాణానికి లాక్డౌన్ బ్రేకులు వేసింది. అందుకే నేను పంట పండిస్తున్నా.. ట్రాక్టర్ నడుపుతున్నా. కానీ ఇప్పుడు సీన్ మార్చాల్సిన సమయం వచ్చేసింది. బిగ్బాస్ 2020తో త్వరలో మీ ముందుకు" అంటూ సల్మాన్ వెల్లడించాడు.
2010 నుంచి సల్మాన్ ఖాన్ బిగ్బాస్ షోకు హోస్ట్గా వ్యవహరిస్తున్నాడు. సెప్టెంబరులో ఈ ఏడాది సీజన్ సెట్స్ పైకి వెళ్లనున్నట్లు సమాచారం.
