బాలీవుడ్ సూపర్స్టార్ సల్మాన్ఖాన్ నటిస్తున్న 'రాధే' సినిమా చిత్రీకరణ ఇటీవలే ప్రారంభమైంది. షూటింగ్లో పాల్గొన్నట్లు సోషల్మీడియాలో సల్మాన్ ఓ పోస్ట్ ద్వారా వెల్లడించాడు. లాక్డౌన్ తర్వాత కరోనా నియంత్రణ చర్యలను పాటిస్తూ 'రాధే' షూటింగ్ పునఃప్రారంభించినట్లు ఆ చిత్రనిర్మాణ సంస్థ సల్మాన్ఖాన్ ఫిల్మ్స్ తాజాగా ఓ మేకింగ్ వీడియోను విడుదల చేసింది. ప్రస్తుతం ఈ సినిమాలోని ఓ పాట చిత్రీకరణలో సల్మాన్తో సహా దిశా పటానీ కూడా పాల్గొంది.
సెట్లో ప్రతి ఒక్కరి ఆరోగ్యాన్ని దృష్టిలో ఉంచుకుని అందరూ తగిన ఆరోగ్య నియమాలు పాటిస్తున్నారని ఈ సినిమాలో కీలకపాత్ర పోషిస్తోన్న జాకీ ష్రాఫ్ వెల్లడించారు. ఇలాంటి ముందు జాగ్రత్తలు తీసుకున్నందుకు చిత్రబృందానికి కృతజ్ఞతలు తెలిపారు. "గతంలో దాదాపు 200 మందితో కలిసి పనిచేసే వాళ్లకు ఇలాంటి పరిస్థితి వస్తుందని నేను అనుకోలేదు. ఈ మహమ్మారి కారణంగా ప్రపంచమంతా బాధలో ఉంది" అని అన్నారు.
- " class="align-text-top noRightClick twitterSection" data="">
'రాధే: యువర్ మోస్ట్ వాంటెడ్ భాయ్' చిత్రానికి ప్రభుదేవా దర్శకత్వం వహిస్తున్నాడు. ఈ సినిమా వేసవిలో విడుదల కావాల్సింది. కానీ, కరోనా కారణంగా వాయిదా పడింది.
