'టైగర్' చిత్రాల సిరీస్లో(Tiger Movie Franchise) సల్మాన్ఖాన్(Salman Khan) నుంచి రాబోతున్న మరో చిత్రం 'టైగర్ 3'(Tiger 3). ఈ చిత్రం కోసం భారీ ఎత్తున సన్నాహాలు జరుగుతున్నాయి. గత రెండు చిత్రాలను మించిన యాక్షన్ హంగామా ఈ మూడో చిత్రంలో ఉండాలని దర్శక నిర్మాతలు భావిస్తున్నారట. అందుకే ఈ చిత్రాన్ని ఎక్కువ భాగం విదేశాల్లో తెరకెక్కించనున్నారు. అందులో భాగంగానే ఆగస్టు రెండో వారంలో సల్మాన్ఖాన్తో పాటు ఇతర చిత్రబృందం యూరప్కు బయలుదేరి వెళ్లనున్నారని తెలుస్తోంది.
ఆస్ట్రియా, టర్కీ, రష్యా తదితర దేశాల్లో 50 రోజుల పాటు పోరాట ఘట్టాలను చిత్రీకరించాలని ఏర్పాట్లు చేస్తున్నారు. ఈ చిత్రంలో నాయికగా నటిస్తున్న కత్రినా కైఫ్(Katrina Kaif) సెప్టెంబరులో షూటింగ్లో పాల్గొంటుందట. మనీష్ శర్మ(Maneesh Sharma) దర్శకత్వంలో ఆదిత్య చోప్రా(Aditya Chopra) రూ.300 కోట్ల భారీ బడ్జెట్తో ఈ చిత్రాన్ని నిర్మించనున్నారు.
ఇదీ చూడండి.. బాలీవుడ్ నటుడు సల్మాన్ ఖాన్పై కేసు
