తమ అభిమాన హీరోలు కలిసి మల్టీస్టారర్ సినిమా చేస్తుంటే అభిమానులకు పండగే. ప్రస్తుతం టాలీవుడ్లో అదే ట్రెండ్ కొనసాగుతోంది. అయితే తాజాగా టాలీవుడ్లో మరో మల్టీస్టారర్ రాబోతున్నట్లు టాక్. రవితేజ-రానా కలిసి మలయాళ సినిమా 'అయ్యప్పనుమ్‌ కోశియుమ్‌' రీమేక్లో నటించనున్నట్లు సమాచారం. ఈ సినిమాను తెలుగులో సితార ఎంటర్‌టైన్‌మెంట్స్‌ సంస్థ నిర్మించనుంది. త్వరలోనే అధికారిక ప్రకటన వెలువడే అవకాశం ఉంది.
చిత్రీకరణలకి అనుమతులు ఇచ్చిన నేపథ్యంలో సితార ఎంటర్‌టైన్‌మెంట్స్‌లో ఈ సినిమాతో పాటు నితిన్‌ 'రంగ్‌దే', నాని 'శ్యామ్‌ సింగరాయ్‌', నాగశౌర్య - లక్ష్మీ సౌజన్య కలయికలో సినిమాల్ని ఆగస్టులో సెట్స్‌పైకి తీసుకెళ్లేందుకు ప్రయత్నాలు జరుగుతున్నాయి.
ఇప్పటికే తెలుగులో మల్టీస్టారర్గా వచ్చిన 'గోపాల గోపాల', 'సీతమ్మవాకిట్లో సిరిమల్లెచెట్టు' 'ఎఫ్ 2' సహా పలు చిత్రాలు హిట్గా నిలిచాయి.
ఇది చూడండి : 'తను నన్ను బాలా అని పిలుస్తాడు'
