మాస్ మహారాజా రవితేజ.. 'డిస్కో రాజా' షూటింగ్లో బిజీగా ఉన్నాడు. ఆ తర్వాత గోపీచంద్ మలినేనితో పనిచేయనున్నాడు. 'బలుపు' తర్వాత వీరిద్దరి కలయికలో రాబోతున్న చిత్రమిది. ఇందులో ఈ కథానాయకుడికి జోడీగా శ్రుతిహాసన్‌ నటించనుందని సమాచారం.
ఈ సినిమాలో రవితేజ పాత్రకు సంబంధించిన ఆసక్తికర విషయం బయటకొచ్చింది. ఓ పవర్‌ఫుల్‌ పోలీస్ అధికారిగా దర్శనమివ్వబోతున్నాడట ఈ హీరో. ఇదే నిజమైతే పోలీస్ దుస్తుల్లో రవితేజ కనిపించబోయే ఐదో చిత్రమవుతుంది. గతంలో 'విక్రమార్కుడు', 'ఖతర్నాక్‌', 'పవర్‌', 'టచ్‌ చేసి చూడు'లలో ఇదే గెటప్లో కనిపించి అలరించాడు. అయితే వీటికి భిన్నమైన కోణంలో అతడి పాత్ర ఉండేలా తీర్చిదిద్దుతున్నాడట గోపీచంద్. ఈ సినిమాకు సంబంధించిన మరిన్ని వివరాలు త్వరలో అధికారికంగా ప్రకటించనున్నారు.
ఇవీ చూడండి.. నేను చెప్పే వరకు నమ్మొద్దు: కియారా
