Shankar ramcharan movie title: శంకర్ దర్శకత్వంలో మెగాహీరో రామ్చరణ్ హీరోగా తెరకెక్కుతున్న సినిమా 'ఆర్సీ 15'. మార్చి 27 చరణ్ పుట్టినరోజు సందర్భంగా అభిమానుల్లో ఉత్సాహం నింపేందుకు చిత్రబృందం ప్లాన్ చేస్తున్నట్లు తెలిసింది. చిత్ర టైటిల్ను అధికారికంగా ప్రకటిస్తారని సమాచారం. ఇప్పటికే 'సర్కారోడు' అనే పేరును ఖరారు చేశారని సినీవర్గాల టాక్. మరి ఇందులో నిజమెంతో తెలియాలంటే చెర్రీ బర్త్డే వరకు వేచి ఉండాల్సిందే.
కాగా, ఇప్పటికే ఈ మూవీలోని చెర్రీ లుక్కు సంబంధించిన ఓ చిన్న వీడియో లీక్ అయింది. ఇందులో చెర్రీ.. ధోతీ ధరించి ఎవరితోనో మాట్లాడుతున్నట్లు, సైకిల్ తొక్కుతూ కనిపించారు. ఈ క్లిప్ చూసిన నెటిజన్లు కమల్హాసన్ 'భారతీయుడు' సినిమా గుర్తుకొస్తుందని కామెంట్లు చేశారు. ఇక ఈ చిత్రంలో చెర్రీ సరసన కియారా అద్వానీ నటిస్తోంది. దిల్‌రాజు నిర్మాతగా వ్యవహరిస్తున్నారు. దాదాపు రూ.300కోట్లతో ఈ మూవీని రూపొందించనున్నారట! పొలిటికల్ థ్రిల్లర్గా తెరకెక్కుతున్న ఈ సినిమాకు తమన్ స్వరాలు సమకూరుస్తున్నారు. ఇందులో చెర్రీ.. రెండు విభిన్న గెటప్లలో కనిపించనున్నారని తెలిసింది. సునీల్, అంజలి, జయరాయ్ తదితరులు కీలకపాత్రలు పోషిస్తున్నారు.
ట్రైలర్తో విద్యా
Vidyabalan Jalsa trailer: లేడీ ఒరింయేటెడ్ చిత్రాలతో తనకంటూ ప్రత్యేక గుర్తింపు తెచ్చుకున్న బాలీవుడ్ నటి విద్యాబాలన్ మరో కొత్త సినిమాతో ప్రేక్షకులను పలకరించేందుకు సిద్ధమైంది. ఆమె నటించిన 'జల్సా' చిత్రం మార్చి 18నుంచి అమెజాన్ ప్రైమ్ వేదికగా స్ట్రీమింగ్ కానుంది. ఈ సందర్భంగా చిత్ర ట్రైలర్ను విడుదల చేసింది మూవీటీం. ఉత్కంఠంగా ఉన్న ఈ ప్రచారం చిత్రం ఆద్యంతం సినిమాపై ఆసక్తిని పెంచుతోంది. నటి షెఫాలి ముఖ్య పాత్ర పోషించింది.
- " class="align-text-top noRightClick twitterSection" data="">
ఇదీ చూడండి: కొత్త సినిమాతో విశ్వక్ సేన్.. ఆలస్యంగా రష్మిక 'మిషన్ మజ్ను'
