రాహుల్ ర‌వీంద్ర‌న్, నాగార్జున కాంబినేషన్లో 'మన్మథుడు 2' సినిమా రూపొందుతోంది. ఈ చిత్రంలో హీరోయిన్ రకుల్ ప్రీత్ సింగ్ అవంతిక పాత్రలో కనిపించనుంది. ఆమె పాత్రకు సంబంధించిన ఓ వీడియోను మంగళవారం విడుదల చేసింది చిత్రబృందం.
"అవంతిక.. పేరే ఎంత వినసొంపుగా ఉంది.. అంతే పద్ధతిగల అమ్మాయి''.. అనే డైలాగ్తో వీడియో ప్రారంభమైంది. "ఈ వయసులో నువ్ లవ్ ఫెయిల్యూర్లు తట్టుకోలేవు", "ఇప్పట్నుంచి ఏ సర్టిఫికేట్ చూపిస్తా" అంటూ నాగ్తో రకుల్ పలికిన సంభాషణలు సినిమాపై ఆసక్తి పెంచుతున్నాయి. స్టైలిష్గా సిగరెట్ తాగడమే కాకుండా గ్లామరస్గానూ కనిపించింది రకుల్.
రొమాంటిక్ ఎంటర్టైనర్గా తెరకెక్కుతోన్న ఈ చిత్రంలో కీర్తి సురేష్‌, స‌మంత అతిథి పాత్ర‌ల‌లో క‌నిపించ‌నున్నారు. రావు రమేశ్‌, లక్ష్మి, ఝాన్సీ, వెన్నెల కిశోర్‌, దేవదర్శిణి కీలక పాత్ర‌ల‌ు పోషించారు. మ‌నం ఎంట‌ర్‌ప్రైజ‌స్‌, ఆనంది ఆర్ట్ క్రియేష‌న్స్‌, వ‌యాకామ్ 18 స్టూడియోస్‌ సంయుక్తంగా ఈ చిత్రాన్ని నిర్మిస్తున్నాయి. ఆర్‌ఎక్స్ 100 ఫేం చేతన్ భరద్వాజ్ సంగీతం సమకూర్చాడు. 'మన్మథుడు 2' చిత్రం ఆగ‌స్ట్ 9న ప్రేక్షకుల ముందుకు రానుంది.
- " class="align-text-top noRightClick twitterSection" data="">
చిక్కులు తప్పవా..
అజయ్ దేవగణ్ సరసన రకుల్ ప్రీత్ నటించిన బాలీవుడ్ చిత్రం 'దే దే ప్యార్ దే'లో... రకుల్ మందు బాటిల్తో డ్యాన్స్ చేసింది. ఆ సీన్ తొలగించాలని సెన్సార్ బోర్డు ఆదేశించింది. ఫలితంగా పూలగుత్తితో మార్పు చేశారు. ప్రస్తుతం 'మన్మథుడు 2' లోనూ ధూమపానం చేస్తూ కనిపించింది. మరోసారి ఈ సినిమాకు చిక్కులు తప్పవేమో అన్న సందేహాలు వస్తున్నాయి. ఏది ఏమైనా సినిమా ప్రచారానికి మాత్రం ఈ పొడుగు సుందరి చేస్తోన్న సీన్లు బాగానే కలిసి వస్తున్నాయి.
- ఇవీ చూడండి...
రకుల్ విస్కీ బాటిల్ మిస్సయ్యిందా..!
