సూపర్స్టార్ రజనీకాంత్.. ప్రస్తుతం తన 168వ చిత్రాన్ని శివ దర్శకత్వంలో చేస్తున్నాడు. వేగంగా సినిమాలు చేస్తూ, ప్రేక్షకులను అలరిస్తున్నాడు తలైవా. ఈ నేపథ్యంలో తన తర్వాతి ప్రాజెక్ట్ కోసం యువ దర్శకుడితో పనిచేసేందుకు సిద్ధమయ్యాడు. అతడే లోకేశ్ కనగరాజ్.
'ఖైదీ' సినిమాతో ఇటీవలే అందరి దృష్టినీ ఆకర్షించాడు దర్శకుడు లోకేశ్. ఆ తర్వాత అతడికి బాగా పేరు వచ్చింది. స్టార్ హీరో విజయ్ పిలిచి మరీ అవకాశం ఇచ్చాడు. వీరి కాంబినేషన్లో 'మాస్టర్' చిత్రం రూపొందుతోంది. ఇది పూర్తయ్యేలోపు రజనీ.. శివ చిత్రాన్ని చేసేస్తాడు. ఈ లెక్కన చూసుకుంటే, ఈ ఏడాది ద్వితియార్ధంలో షూటింగ్ మొదలయ్యే అవకాశముంది. వచ్చే ఏడాది విడుదల కావొచ్చు.
ఇదీ చదవండి: ఆ చిన్నారి స్టెప్పులకు బాలీవుడ్ భామ ఫిదా
