అడవి శేష్, రెజీనా, నవీన్ చంద్ర ప్రధాన పాత్రల్లో నటించిన చిత్రం 'ఎవరు'. గురువారం విడుదలైన ఈ సినిమా బాక్సాఫీస్ వద్ద సత్తా చాటుతోంది. ఈ విజయంపై దర్శకేంద్రుడు కె. రాఘవేంద్రరావు స్పందించారు. ట్విట్టర్ వేదికగా చిత్రబృందాన్ని ప్రశంసించారు.
"చిత్రంలోని ప్రతి సన్నివేశాన్ని ఆస్వాదించాను. ఊహించని మలుపులతో మతిపోయింది. దర్శకుడు వెంకట్ రాంజీ అనుభవమున్న వాడిలా చక్కగా తీశాడు. శేష్, రెజీనా అద్భుతంగా నటించారు. నిర్మాత పీవీపీకి, చిత్రబృందానికి శుభాకాంక్షలు" -రాఘవేంద్రరావు, ప్రముఖ దర్శకుడు
'ఎవరు' చిత్రం మొదటి షో నుంచే ప్రేక్షకాదరణ పొందుతోంది. వసూళ్ల పరంగానూ సత్తాచాటుతోంది. పీవీపీ సినిమా బ్యానర్పై పరం వి పొట్లూరి నిర్మాతగా వ్యవహరించారు. వెంకట్ రాంజీ దర్శకత్వం వహించాడు.
ఇవీ చూడండి.. 'మోస్ట్ హ్యండ్సమ్ మ్యాన్'గా హృతిక్ రోషన్
