ఈసారి సంక్రాంతికి సినిమాల సందడి మాములుగా ఉండదు. బాక్సాఫీసు దద్దరిల్లిపోవడం ఖాయం. ఎందుకంటే అగ్రహీరోలు పవన్కల్యాణ్, మహేశ్బాబు, ప్రభాస్ తమ సినిమాలతో ప్రేక్షకుల అలరించేందుకు సిద్ధమయ్యారు.
సంక్రాంతికి స్టార్స్ హంగామా
మహేశ్ 'సర్కారు వారి పాట', పవన్-రానా 'అయ్యప్పనుమ్ కోశియమ్' రీమేక్ ఇప్పటికే 2022 సంక్రాంతి బరిలో ఉన్నట్లు ప్రకటించారు. ప్రభాస్ 'రాధేశ్యామ్' కూడా పండగకే రానుందని చిత్రబృందం అధికారికంగా ప్రకటించింది. సూట్ వేసుకుని సూట్కేసు పట్టుకుని ఉన్న ప్రభాస్ కొత్త పోస్టర్ను శుక్రవారం విడుదల చేసింది.
టైమ్ ట్రావెల్ కథతో?
'రాధేశ్యామ్' కొత్త పోస్టర్ చూస్తుంటే ఆసక్తికరంగా కనిపిస్తోంది. టైమ్ ట్రావెల్ కథతో ఈ సినిమా తెరకెక్కించినట్లు తెలుస్తోంది. 1970ల నాటి యూరప్ సెట్లు ఉండటం దీనికి బలం చేకూరుస్తోంది. మరి ఎలాంటి కథతో ఈ చిత్రాన్ని తీశారో తెలియాలంటే సంక్రాంతి వరకు ఆగాల్సిందే.
బుధవారంతో(జులై 28) 'రాధేశ్యామ్' షూటింగ్ పూర్తయిందని వెల్లడించిన టీమ్.. కొన్ని ఫొటోలను పోస్ట్ చేసింది.
అద్భుత ప్రేమకథ!
వింటేజ్ ప్రేమకథతో తీసిన ఈ సినిమాలో ప్రభాస్కు జోడీగా పూజాహెగ్డే నటించింది. అలనాటి హీరోయిన్ భాగ్యశ్రీ కీలక పాత్ర చేసింది. జస్టిన్ ప్రభాకరన్ సంగీతమందించారు. రాధాకృష్ణ కుమార్ దర్శకత్వం వహించారు. యూవీ క్రియేషన్స్, గోపీకృష్ణ మూవీస్ సంయుక్తంగా నిర్మించాయి.
2022లో ప్రభాస్ సినిమాల సందడి
ప్రభాస్ చేస్తున్న 'రాధేశ్యామ్' సంక్రాంతికి రానుండగా, 'సలార్' ఏప్రిల్లో, 'ఆదిపురుష్' ఆగస్టులో థియేటర్లలో సందడి చేయనున్నాయి. ఇవన్నీ పాన్ ఇండియా స్థాయిలోనే విడుదలవుతాయి కనుక.. ఈ సినిమాలన్నీ కలిపి వందల కోట్లు కలెక్షన్లు సాధించే అవకాశముంది. దీనిని బట్టి వచ్చే ఏడది బాక్సాఫీస్ బద్దలవడం ఖాయం!
- " class="align-text-top noRightClick twitterSection" data="">
ఇవీ చదవండి:
