Pushpa Movie News: 'పుష్ప'లో ప్రతి క్యారెక్టర్ కొత్తగా ఉంటుందని, సినిమా ఐదు నిమిషాలు కూడా బోర్ కొట్టదని చిత్రనిర్మాతలు నవీన్ యెర్నేని, మోహన్ చెరుకూరి, వై. రవిశంకర్ తెలిపారు. 'అఖండ' చిత్రం సాధించిన విజయం.. తమకు బూస్ట్ ఇచ్చిందన్నారు.
'పుష్ప' కూడా అదేబాటలో బ్లాక్ బస్టర్ విజయం సాధిస్తుందని నమ్మకంతో ఉన్నామన్నారు. చిత్రంలోని సాంగ్స్ ఇప్పటికే భారీవిజయం సాధించాయని తెలిపారు. సమంత ప్రత్యేక సాంగ్ను శుక్రవారం సాయత్రం విడుదల చేయనున్నట్లు పేర్కొన్నారు.
ది బెస్ట్ అల్లుఅర్జున్..
మనుషులు ఎవరూ వెళ్లలేని కష్టమైన లొకేషన్స్లో సినిమా చిత్రీకరణ జరిగిందన్నారు. సినిమాలో కొత్త అల్లుఅర్జున్ను చూస్తారని నిర్మాత వై. రవికుమార్ తెలిపారు. ట్రైలర్ విశేష స్పందన వచ్చిందన్నారు. విలన్ పాత్రలో ఫహద్ ఫాజిల్ నటన షాక్కు గురిచేస్తుందన్నారు. పుష్ప రెండో పార్ట్ చిత్రీకరణ ఫిబ్రవరిలో మొదలు పెడతామని నిర్మాత నవీన్ వివరించారు. 'తగ్గేదేలే' అన్న పదం పాపులర్ అవ్వడానికే అన్ని భాషల్లో ఆ పదం అలాగే పెట్టామన్నారు. సినిమాలో ది బెస్ట్ అల్లుఅర్జున్ను చూస్తారని తెలిపారు. మల్టీస్టారర్ చిత్రాలు చేయడానికి ఎప్పుడూ సిద్ధంగానే ఉంటామన్నారు.
Pushpa Release Date: శేషాచలం ఎర్రచందనం స్మగ్లింగ్ నేపథ్య కథతో తీసిన ఈ సినిమాను రెండు భాగాలుగా తెరకెక్కిస్తున్నారు. మొదటి పార్ట్.. ఈ డిసెంబరు 17న పాన్ ఇండియా స్థాయిలో థియేటర్లలోకి రానుంది. ఇప్పటికే అన్ని కార్యక్రమాలు పూర్తయ్యాయి.
ఈ సినిమాకు దేవి శ్రీ ప్రసాద్ సంగీతమందించగా, సుకుమార్ దర్శకత్వం వహించారు. మైత్రీ మూవీ మేకర్స్ భారీ బడ్జెట్తో నిర్మించింది.
ఇదీ చూడండి: ''ఆర్ఆర్ఆర్' ట్రైలర్ చూస్తుంటే గర్వంగా ఉంది'
