'పుష్ప' డిలీటెడ్ సీన్.. 'ఆచార్య' పార్టీ సాంగ్ అప్డేట్

Cinema news: సినీ అప్డేట్స్ వచ్చేశాయి. ఇందులో పుష్ప, ఆచార్య, అఖండ, సేనాపతి చిత్రాల కొత్త సంగతులు ఉన్నాయి.

Pushpa deleted scene: అల్లు అర్జున్ 'పుష్ప' థియేటర్లలో ప్రేక్షకుల్ని అలరిస్తుంది. కలెక్షన్లలో సరికొత్త రికార్డులు సృష్టిస్తుంది. అలానే ఈ ఏడాది దేశంలోనే బిగ్గెస్ట్ గ్రాస్​ సంపాదించిన సినిమాగానూ నిలిచింది. ఈ క్రమంలోనే సినిమాలోని ఓ డిలీటెడ్​ సీన్​ను చిత్రబృందం విడుదల చేసింది.

• " class="align-text-top noRightClick twitterSection" data="">

కుటుంబపోషణ నిమిత్తం అప్పు తీసుకున్న తన తల్లిపై రెడ్డప్ప అనే వ్యక్తి వీధిలో అందరి ముందు.. "భారతమ్మ ఎంతకాలం తప్పించుకుంటావ్‌ ఇట్టా. పోయిన గంగజాతరకు ఇస్తి. ఇప్పటిదాకా అసలు లేదు. వడ్డీ లేదు" అంటూ కేకలు వేయడంతో పుష్పరాజ్‌ అసహనానికి గురవుతాడు. దాంతో ఆ మరుసటి రోజు ఇంట్లో ఉన్న పశువులను అమ్మేసి రెడ్డప్పకు బాకీ చెల్లించేసిన పుష్పరాజ్‌.."నీ లెక్క సరిపోయింది సరే.. మరి నా లెక్క. మేము అప్పు తీసుకున్నామని ఊరంతా తెలిసింది. మరి, తిరిగి ఇచ్చేశామని ఊరంతా తెలియవద్దా" అని అతడిని కొట్టి ప్రతిఒక్క ఇంటికీ తీసుకువెళ్లి "పుష్పరాజ్‌ డబ్బులు తిరిగి ఇచ్చేశాడు" అని చెప్పిస్తాడు. ఈ వీడియోలో బన్నీ నటన, బాడీ లాంగ్వేజ్‌ అదిరిపోయేలా ఉందని, ఈ సీన్‌ ఎందుకు డిలీట్‌ చేశారో? అని నెటిజన్లు చర్చించుకుంటున్నారు.

Achrya song: 'ఆచార్య' సినిమాలోని పార్టీ సాంగ్​ రిలీజ్​కు టైమ్ ఫిక్సయింది. 'సానా కష్టం' అంటూ సాగే లిరికల్​ వీడియోను జనవరి 3న సాయంత్రం 4:05 గంటలకు విడుదల చేయనున్నట్లు వెల్లడించారు. ఈ పాటలో చిరుతో కలిసి రెజీనా స్టెప్పులు వేయనుంది.

చిరంజీవి ఆచార్య పార్టీ సాంగ్

మెగాస్టార్ చిరంజీవి-రామ్​చరణ్ ప్రధాన పాత్రల్లో నటించిన ఈ సినిమా.. ఫిబ్రవరి 4న థియేటర్లలోకి రానుంది. కాజల్, పూజాహెగ్డే హీరోయిన్లుగా నటించారు. మణిశర్మ సంగీతమందించారు. కొరటాల శివ దర్శకుడు. మ్యాట్నీ ఎంటర్​టైన్​మెంట్స్, కొణిదెల ప్రొడక్షన్స్ సంయుక్తంగా నిర్మించాయి.

Akhanda movie: బాలయ్య 'అఖండ' ఐదో వారంలోకి ప్రవేశించింది. ఈ సందర్భంగా కొత్త పోస్టర్​ రిలీజ్ చేశారు. మాస్ మసాలా ఎంటర్​టైనర్​గా తెరకెక్కిన ఈ సినిమాతో బాలకృష్ణ-బోయపాటి హ్యాట్రిక్ కొట్టారు.

బాలయ్య అఖండ మూవీ

ఈ సినిమాలో బాలయ్య.. అఘోరా పాత్ర పోషించి, అభిమానుల్ని ఆశ్చర్యపరిచారు. ప్రగ్యా జైస్వాల్ హీరోయిన్​గా చేసింది. తమన్ సంగీతం, బ్యాక్​గ్రౌండ్​ మ్యూజిక్​.. థియేటర్లలో చూసిన ప్రేక్షకులకు పూనకాలు తెప్పించాయి.

*రాజేంద్రప్రసాద్ ప్రధాన పాత్రలో నటించిన వెబ్ ఫిల్మ్ 'సేనాపతి' రిలీజైంది. ఆహా ఓటీటీలో శుక్రవారం నుంచి స్ట్రీమింగ్ అవుతుంది. ఇప్పటికే రిలీజైన ట్రైలర్.. ఆకట్టుకునేలా ఉంది. దీంతో నెటిజన్లు ఈ సినిమా చూసేందుకు ఆసక్తి చూపిస్తున్నారు.

సేనాపతి మూవీ

ఇవీ చదవండి: