'ఇస్మార్ట్ శంకర్'తో మళ్లీ ఫామ్లోకి వచ్చాడు దర్శకుడు పూరీ జగన్నాథ్. సినిమాకు మిశ్రమ స్పందన వస్తున్నప్పటికీ కలెక్షన్ల పరంగా దూసుకుపోతోంది. ప్రస్తుతం రూ.50 కోట్ల గ్రాస్కు చేరువలో ఉంది. ఇప్పుడు మరో విషయం ఆసక్తి రేపుతోంది. పూరీ తర్వాత చేయబోయే చిత్రంపై గుసగుసలు వినిపిస్తున్నాయి.
మహేశ్బాబుతో తీయాలనుకున్న 'జనగణమన'ను యువహీరో విజయ్ దేవరకొండతో తీసేందుకు పూరీ జగన్నాథ్ సిద్ధమవుతున్నాడని సమాచారం. హీరో రామ్ రెడీ అంటే 'ఇస్మార్ట్ శంకర్'కు సీక్వెల్ 'డబుల్ ఇస్మార్ట్'ను తీయనున్నాడీ దర్శకుడు. రణ్వీర్ సింగ్ హీరోగా బాలీవుడ్లో 'ఇస్మార్ట్ శంకర్'ను రీమేక్ చేయాలనుకుంటున్నాడు. వీటిలో ఏది నిజమైనా ప్రేక్షకులకు పండగే. ప్రస్తుతానికైతే ఓ రెండు నెలల విరామం తీసుకోవాలని భావిస్తున్నాడు ఈ పోకిరి డైరక్టర్.
ఇది చదవండి: పూరీ ఇంక సెలవు తీసుకుంటాడట..
