నటి ప్రియమణి(Priyamani) తెలుగులో మళ్లీ జోరు చూపిస్తోంది. బలమైన నాయికా ప్రాధాన్య పాత్రలు ఎంచుకుంటూ.. వరుస అవకాశాలతో దూసుకెళ్తోంది. ఈక్రమంలోనే ఇప్పుడామె 'యాక్ట్‌ 1978' రీమేక్లో నటించనున్నట్లు సమాచారం. యజ్ఞ శెట్టి ప్రధాన పాత్రలో నటించిన కన్నడ చిత్రమిది. దర్శకుడు మన్సోరే తెరకెక్కించారు. ప్రభుత్వం నుంచి తనకు రావాల్సిన డబ్బులు రాకపోతే.. ఓ గర్భిణి ఏం చేసిందన్నది ఈ చిత్ర కథాంశం.
గతేడాది కన్నడలో విడుదలై మంచి విజయాన్ని అందుకుంది. ఇప్పుడీ చిత్ర రీమేక్ హక్కులను నిర్మాత ఠాగూర్‌ మధు దక్కించుకున్నారని తెలిసింది. తెలుగులో ప్రియమణితో ఈ చిత్రాన్ని పట్టాలెక్కించేందుకు సన్నాహాలు చేస్తున్నట్లు సమాచారం. త్వరలో దీనిపై అధికారిక ప్రకటన వెలువడనున్నట్లు తెలుస్తోంది. ప్రియమణి ప్రస్తుతం వెంకటేష్‌.. 'నారప్ప', రానా.. 'విరాటపర్వం' చిత్రాల్లో నటిస్తోంది. ఈ రెండు సినిమాలు త్వరలోనే విడుదల కానున్నాయి.
కార్తిక్ ప్రేమలో శ్రద్ధ!
కార్తిక్ ఆర్యన్తో(Karhik Aryan) ప్రేమలో పడడానికి శ్రద్ధా కపూర్ సిద్ధమవుతోందా? అవుననే అంటున్నాయి బాలీవుడ్ వర్గాలు. ఆర్యన్ కథానాయకుడిగా తెరకెక్కనున్న చిత్రం 'సత్యనారాయణ్ కీ కథ'. ఇటీవలే ఈ సినిమాను ప్రకటించారు. సాజిద్ నడియాడ్వాలా నిర్మించనున్న ఈ చిత్రంలో కథానాయిక ఎవరనే విషయంలో స్పష్టత వచ్చినట్టు తెలుస్తోంది. ఇందులో శ్రద్ధాకపూర్ను తీసుకోనున్నారని సమాచారం. శ్రద్ధకు(Shraddha Kapoor) కథ బాగా నచ్చడం వల్ల ఆమె ఓకే చేసిందట!.
ఒకవేళ ఇదే కనుక నిజమైతే కార్తిక్, శ్రద్ధ తొలిసారి కలిసి నటించే చిత్రం ఇదే అవుతుంది. దీంతో కథకు మంచి ఫ్రెష్నెస్ లభిస్తుందని నిర్మాత భావిస్తున్నారు. పైగా ఈ చిత్రంలో నాయిక పాత్ర చాలా కీలకమైంది. సరికొత్త ప్రేమకథతో తెరకెక్కనున్న చిత్రమిది.
ఇదీ చూడండి: సోషల్మీడియాకు స్టార్ డైరెక్టర్ గుడ్బై
