డార్లింగ్ ప్రభాస్ కొత్త సినిమా ఫస్ట్లుక్ విడుదల తేదీ వచ్చింది. ఎప్పటి నుంచో ఎదురుచూస్తున్న అభిమానులు నిరీక్షణకు తెరదించుతూ జులై 10న ఉదయం 10 గంటలకు సోషల్ మీడియాలో పంచుకోనున్నట్లు ఇన్స్టాలో వెల్లడించారు ఈ కథానాయకుడు. దీనితోపాటే ఓ ఫొటోను పోస్ట్ చేశారు.
1920ల నాటి కథతో యూరప్ నేపథ్యంగా ఈ సినిమాను తెరకెక్కిస్తున్నారు. ఇందులో ప్రభాస్ సరసన పూజా హెగ్డే నటిస్తోంది. రాధాకృష్ణ దర్శకత్వం వహిస్తున్నారు. యువీ క్రియేషన్స్, గోపీకృష్ణ మూవీస్ సంయుక్తంగా నిర్మిస్తున్నాయి. ఇప్పటికే కొంతమేర చిత్రీకరణ జరుపుకుంది. వచ్చే ఏడాది వేసవి కానుకగా ప్రేక్షకుల ముందుకు రానుంది.
