డార్లింగ్ ప్రభాస్ ఇప్పుడు పాన్ ఇండియా స్టార్. అందుకు తగ్గట్లుగానే దర్శకనిర్మాతలు కథలనూ సిద్ధం చేస్తున్నారు. వాటిలోని సన్నివేశాలు రిచ్గా ఉండేలా చూసుకుంటున్నారు. ఇదే తరహాలో భారీ బడ్జెట్తో 'సాహో'ను తీశారు. ఇప్పుడు #ప్రభాస్20కి అదే స్థాయిలో ఖర్చు చేస్తున్నారు. అందుకు సంబంధించిన ఓ వార్త ప్రస్తుతం ఇండస్ట్రీలో హాట్ టాపిక్గా మారింది.
దర్శకుడు రాధాకృష్ణ తీస్తున్న పీరియాడికల్ సినిమాలో నటిస్తున్నాడు ప్రభాస్. పూజా హెగ్డే హీరోయిన్. ఇందులోని ఓ సింగిల్ షాట్ కోసం చిత్రబృందం, ఏకంగా రూ.2 కోట్లను ఖర్చు చేసిందట. 10 రోజుల పాటు దాదాపు 150 మంది ఇందుకోసం పనిచేశారట.
ఇంతకు ముందు రొమాంటిక్ సన్నివేశాల్ని చిత్రీకరించేందుకు ఏకంగా ఓ చెరువును, అందులో పడవను రూపొందించింది చిత్రబృందం. ఈ సినిమాను దాదాపు రూ. 300 కోట్లతో యూవీ క్రియేషన్స్, గోపీకృష్ణ మూవీస్ సంయుక్తంగా నిర్మిస్తున్నాయి. వచ్చే ఏడాది వేసవిలో ప్రేక్షకుల ముందుకు రానుంది.
ఇదీ చదవండి: సాయితేజ్ కొత్త సినిమాకు పవర్స్టార్ క్లాప్
