prabhas project K movie: డార్లింగ్ ప్రభాస్ వరుస సినిమాలతో బిజీగా ఉన్నారు. ప్రస్తుతం హైదరాబాద్లో 'ప్రాజెక్టు K' షూటింగ్ చేస్తున్నారు. ఇందులో దీపికా పదుకొణె కూడా పాల్గొన్నారు. ఆమెకు సంబంధించిన చిత్రీకరణ కూడా పూర్తయింది. అయితే షూటింగ్ స్పాట్లోని కొన్ని ఫొటోలు సోషల్ మీడియాలో వైరల్గా మారాయి.
అందులో భాగంగా నటీనటుల చేతులు, కాళ్లకు నల్లటి మసి ఉండటం ఆసక్తి కలిగిస్తోంది. సైన్స్ ఫిక్షన్ కథతో తీస్తున్న ఈ సినిమాలో అమితాబ్ బచ్చన్ కీలకపాత్ర పోషిస్తున్నారు. నాగ్ అశ్విన్ దర్శకత్వం వహిస్తున్నారు. వైజయంతీ మూవీస్ భారీ బడ్జెట్తో నిర్మిస్తోంది. 2023లో ఈ సినిమా ప్రేక్షకుల ముందుకొచ్చే అవకాశముంది.
Virata parvam song: 'విరాటపర్వం' సినిమా నుంచి అప్డేట్ వచ్చేసింది. 'ద వాయిస్ ఆఫ్ రావణ' సాంగ్ను మంగళవారం ఉదయం 10:10 గంటలకు రిలీజ్ చేయనున్నట్లు వెల్లడించారు.
ఈ చిత్రంలో రానా.. కామ్రేడ్ రవన్నగా నటించారు. నక్సలైట్ నేపథ్యంగా ఈ సినిమాను తెరకెక్కించారు. సాయిపల్లవి ప్రధాన పాత్ర చేసింది. ప్రియమణి, నందితాదాస్, నివేదా పేతురాజ్ కీలకపాత్రలు పోషించారు. వేణు ఊడుగల దర్శకత్వం వహించారు. ఎప్పుడో షూటింగ్ పూర్తి చేసుకున్న ఈ సినిమా.. కరోనా వేవ్ల ప్రభావం వల్ల వాయిదా పడుతూ వస్తోంది.
Marakkar ott release date: మోహన్లాల్ ప్రధాన పాత్రలో భారీ వ్యయంతో తెరకెక్కించిన 'మరక్కర్' సినిమా ఓటీటీ విడుదలకు సిద్ధమైంది. అమెజాన్ ప్రైమ్లో డిసెంబరు 17 నుంచి అందుబాటులోకి రానుంది. ఈ విషయాన్ని చిత్రబృందం అధికారికంగా వెల్లడించింది.
మూడు జాతీయ అవార్డులతో పాటు కేరళ రాష్ట్ర అవార్డులు గెలుచుకున్న ఈ చిత్రం.. డిసెంబరు 2న ప్రేక్షకుల ముందుకొచ్చింది. స్టార్స్ చాలామంది ఉన్నప్పటికీ థియేటర్లలో ప్రేక్షకులను అంతలా ఆకట్టుకోలేకపోయింది.
*'ఆహా' ఓటీటీ ఒరిజినల్ 'ద అమెరికన్ డ్రీమ్' టీజర్ రిలీజైంది. ప్రిన్స్ ప్రధాన పాత్రలో నటించాడు. అమెరికా వెళ్లిన ఓ యువకుడు ఎలాంటి కష్టాలు పడ్డాడు? ఎలాంటి అనుభవాలు ఎదుర్కొన్నాడు? లాంటి విషయాల్ని ఇందులో చూపించారు.
- " class="align-text-top noRightClick twitterSection" data="">
ఓవైపు హాస్యభరితంగా సాగుతూనే, ఆసక్తిని రేపుతోంది. అభినయ్ సంగీతమందించగా, డాక్టర్.విఘ్నేశ్ కౌశిక్ దర్శకత్వం వహించారు. క్రిస్మస్ నుంచి ఇది స్ట్రీమింగ్ కానుంది.
ఇవీ చదవండి:
