పవర్స్టార్ పవన్‌కల్యాణ్ కథానాయకుడిగా ప్రముఖ దర్శకుడు క్రిష్ జాగర్లమూడి దర్శకత్వంలో ఓ చిత్రం తెరకెక్కుతోంది. ఇందులో తెలుగమ్మాయి పూజిత పొన్నాడ ప్రత్యేక గీతంలో నటించనుందని సమాచారం. ఈ సినిమాలో పవన్ బందిపోటుగా కనిపించనున్నాడని ప్రచారం జరుగుతోంది.
ఇప్పటికే పవన్ చిత్రాలు గమనిస్తే ప్రత్యేక గీతాలు మనకు కనిపిస్తాయి. అవి ప్రేక్షకుల్లో ప్రత్యేక ఆదరణ పొందాయి. క్రిష్-పవన్ చిత్రంలోనూ ఐటమ్సాంగ్కు మంచి ఆదరణ లభిస్తుందని చిత్రబృందం ఆశాభావం వ్యక్తం చేస్తోంది.
పూజిత.. నారా రోహిత్‌తో నటించిన 'తుంటరి' చిత్రంతో వెండితెరకు పరిచయమైంది. ఆ తర్వాత 'రంగస్థలం' రాజశేఖర్‌ చిత్రం 'కల్కి'లో నటించింది. పూజిత బుల్లితెరపై పలు కార్యక్రమాల్లో సందడి చేసింది.
ఇదీ చూడండి.. 'జెర్సీ' సినిమా ఛాన్స్ వదులుకున్నా: రష్మిక
