హీరోయిన్ పూజాహెగ్డే ప్రస్తుతం విహారయాత్రలో బిజీగా ఉంది. ఇటీవలే 'హౌస్‌ఫుల్‌4' అనే హిందీ చిత్రంతో ఆకట్టుకున్న ఈ భామ.. గత మూడు రోజులుగా పలు ప్రదేశాల్ని చుట్టేస్తోంది. ఆ సంగతులను సామాజిక మాధ్యమాల్లో పంచుకుంటోంది. మక్కా, సౌదీ అరేబియాలో తీసుకున్న కొన్ని ఫోటోలను షేర్‌ చేసింది.
ఎంత అందమైన కట్టడాలు, మంచి ఫుడ్‌, పసందైన యాత్ర ఇది అంటూ ఇన్స్టాలో ఫోటోలు పంచుకుంది పూజా. ప్రస్తుతం ఫ్రాన్స్లో ఉందీ భామ.
పూజా హెగ్డే.. అల్లు అర్జున్-త్రివిక్రమ్‌ కాంబినేషన్లో తెరకెక్కుతోన్న 'అల వైకుంఠపురములో' సినిమాలో కథానాయికగా నటిస్తోంది. ప్రభాస్.. 'జాన్‌' చిత్రంలోనూ హీరోయిన్గా అవకాశం దక్కించుకుంది. ప్రస్తుతం షూటింగ్ శరవేగంగా సాగుతోంది.
ఇది చదవండి: రైలులో పూజా హెగ్డేతో ప్రభాస్ లవ్ ట్రాక్..!
