పవర్స్టార్ పవన్ కల్యాణ్.. యువతలో విశేషమైన క్రేజ్‌ ఉన్న కథానాయకుడు. ఒక్క సన్నివేశంలో కనిపించినా.. గొంతు వినిపించినా థియేటర్లు ఈలలు, అరుపులతో దద్దరిల్లిపోతాయి. 'అజ్ఞాతవాసి' తర్వాత ఈ హీరో నుంచి మరో చిత్రం రాలేదు. దీంతో పవన్ ఎప్పుడెప్పుడు సినిమాల్లో నటిస్తాడా.. అతడి ఫస్ట్ లుక్ ఎప్పుడు విడుదలవుతుందా అని అభిమానులు ఎంతో ఆసక్తిగా ఎదురు చూస్తున్నారు. ఆ ఎదురు చూపులకు సమాధానం దొరికేసింది. పవన్ హీరోగా నటిస్తోన్న 'పింక్' రీమేక్ టైటిల్తో పాటు ఫస్ట్ లుక్ వచ్చేసింది.
ఈ చిత్రానికి 'వకీల్ సాబ్' అనే టైటిల్ ఖరారు చేశారు. ఈ పోస్టర్లో పవర్ స్టార్ స్టైలిష్ లుక్ అదిరిపోయింది. గుబురు గడ్డంతో చేతిలో పుస్తకం పట్టుకుని ఉన్న స్టిల్ అభిమానులకు కనువిందు చేసేలా ఉంది.
వేణు శ్రీరామ్‌ దర్శకత్వంలో.. శ్రీవెంకటేశ్వర క్రియేషన్స్‌ పతాకంపై దిల్‌రాజు ఈ చిత్రాన్ని నిర్మిస్తున్నాడు. వేసవి కానుకగా మే నెలలో ఈ సినిమాను ప్రేక్షకుల ముందుకు తీసుకురావటానికి సన్నాహాలు చేస్తోంది చిత్రబృందం.
ఇదీ చూడండి : ట్రైలర్: 'ఉగ్రవాదుల తర్వాతి టార్గెట్ ముంబయి'
