హీరో తరుణ్, రిచా జంటగా కె.విజయ్ భాస్కర్ దర్శకత్వంలో తెరకెక్కిన బ్లాక్‌బస్టర్‌ చిత్రం 'నువ్వే కావాలి'. ఉషాకిరణ్ మూవీస్ నిర్మించిన ఈ చిత్రం నేటితో (అక్టోబరు 13) 20 వసంతాలు పూర్తి చేసుకుంది. తరుణ్-రిచాల నటన, విజయ్ భాస్కర్ టేకింగ్‌, త్రివిక్రమ్‌ రచనా శైలితో పాటు, సంగీత దర్శకుడు కోటి అందించిన స్వరాలు యువతనే కాదు, అన్ని వర్గాల ప్రేక్షకులను విశేషంగా ఆకట్టుకున్నాయి.
రెండు దశాబ్దాలు పూర్తి చేసుకున్న ఆ సినిమా జ్ఞాపకాలను మళ్లీ ప్రేక్షకులు గుర్తుచేసుకోవడానికి మంగళవారం ఉదయం 9 గంటలకు 'నువ్వే కావాలి' చిత్రాన్ని ఈటీవీ ప్రసారం చేయనుంది.
