బాలీవుడ్ నటి ఫాతిమా సనా షేక్కు కరోనా పాజిటివ్గా తేలింది. ఈ విషయాన్ని స్వయంగా ఆమే వెల్లడించింది. ప్రస్తుతం ఇంట్లోనే క్వారంటైన్లో ఉన్నట్లు తెలిపింది.
"నాకు కరోనా పాజిటివ్గా తేలింది. ప్రస్తుతం అన్ని జాగ్రత్తలు పాటిస్తూ ఇంట్లో క్వారంటైన్లో ఉన్నా. నాకు మద్దతుగా నిలిచినందుకు అందరికీ కృతజ్ఞతలు. అందరూ జాగ్రత్తగా ఉండండి" అంటూ సామాజిక మాధ్యమాల్లో పోస్ట్ చేసింది సనా.
ఇటీవలే విడుదలైన అనురాగ్ బసు దర్శకత్వం వహించిన క్రైమ్ కామెడీ థ్రిల్లర్ 'లూడో'లో నటించింది ఫాతిమా. మనోజ్ బాజ్పేయ్తో చేసిన 'సూరజ్ పే మంగల్ బిహారి' చిత్రం విడుదల కావాల్సి ఉంది.
ఇప్పటికే బాలీవుడ్ నటులు విక్రాంత్ మాసే, పరేశ్ రావల్, కార్తిక్ ఆర్యన్, రణ్బీర్ కపూర్ కరోనా బారినపడ్డారు.
